నేను సైతం అంటున్న లక్ష్మీపార్వతి, వెంబమాంబ వద్ద బైఠాయింపు

By Srinivas

Published: Monday, May 16, 2011, 11:17 [IST]

గుంటూరు: వైయస్సార్ కాంగ్రెసు పార్టీ అధ్యక్షుడు వైయస్ జగన్మోహన్ రెడ్డి రైతు దీక్షకు మద్దతు తెలిపిన ఎన్టీఆర్ టిడిపి అధ్యక్షురాలు లక్ష్మీపార్వతి సోమవారం గుంటూరు జిల్లాలో మరో చోట రైతుల ఆందోళన కార్యక్రమంలో పాల్గొన్నది. గత రాత్రి అగ్నిప్రమాదం జరిగిన వెంగమాంబ కోల్డ్ స్టోరేజ్ వద్ద సోమవారం రైతులు ఆందోళనకు దిగారు. కావాలనే తమ పంటను తగులపెడుతున్నారని వారు ఆవేదన వ్యక్తం చేశారు. తమకు న్యాయం జరిగేవరకూ ఆందోళన విరమించేది లేదని రైతులు స్పష్టం చేశారు. కాగా ఆందోళన చేస్తున్న రైతులను పోలీసులు అడ్డుకున్నారు.

వారిని అక్కడ నుంచి తరలించేందుకు ప్రయత్నాలు చేశారు. అయితే రైతులు ఎంతకూ కదలక పోవడంతో వారిని నిర్ధాక్షిణ్యంగా తన్ని అక్కడి నుండి తరిమేశారు. అయితే వారిని తన్ని తరమిమేయటం పట్ల లక్ష్మీ పార్వతి తీవ్ర ఆగ్రహం వ్యక్తం చేసింది. వెంగమాంబ ముందు ఆమె బైఠాయించారు. రైతులకు న్యాయం జరిగే వరకు తాను ధర్నాను విరమించేది లేదని స్పష్టం చేశారు. కాగా ప్రమాదం జరిగిన కోల్డ్ స్టోరేజ్‌లో రాత్రి నుంచి మంటల ఎగిసిపడుతూనే ఉన్నాయి. రెండు ఫైరింజన్ల సాయంతో మంటలను అదుపు చేసేందకు అగ్నిమాపక సిబ్బంది యత్నిస్తున్నారు.

Published On May 16, 2011