సోనియా టిక్కెట్ ఇచ్చినా... : జగన్ వర్గం నేత పిల్లి సుభాష్ చంద్రబోసు

By Srinivas

Published: Monday, May 16, 2011, 17:19 [IST]

గుంటూరు: తమకు ఏఐసిసి అధ్యక్షురాలు సోనియాగాంధీ టిక్కెట్ ఇచ్చినప్పటికీ దివంగత ముఖ్యమంత్రి వైయస్ రాజశేఖరరెడ్డి చలువ వల్లే గెలిచామని మాజీ మంత్రి, వైయస్ఆర్ కాంగ్రెసు పార్టీ అధినేత వైయస్ జగన్మోహన్ రెడ్డి వర్గం కాంగ్రెసు ఎమ్మెల్యే సోమవారం గుంటూరులోని జగన్ రైతు దీక్ష శిబిరం వద్ద మాట్లాడుతూ చెప్పారు. తాము ఇప్పుడు ఏమీ మాట్లాడమని, అయితే పార్టీలు తమకు తాఖీదులు(నోటీసులు) జారీ చేసినప్పుడు స్పందిస్తామని చెప్పారు.

రాష్ట్రం నుండి 33 మంది పార్లమెంటు సభ్యులను పంపినప్పటికీ సమస్యలపై కేంద్రం సరిగా స్పందించక పోవడం దురదృష్టకరమన్నారు. రైతులకు మద్దతు ధర లభించడం లేదని చెప్పారు. కేంద్ర, రాష్ట్ర ప్రభుత్వాలు రైతుల సమస్యలపై వెంటనే స్పందించాలని డిమాండ్ చేశారు. రైతులను ఆదుకోకపోతే ప్రభుత్వాలకు ఇబ్బందులు తప్పవన్నారు.

Published On May 16, 2011