అబ్బాయ్ సానుభూతి అవసరం లేదన్న బాబాయ్

కాంగ్రెసు పార్టీ తరపున పులివెందుల అసెంబ్లీ నియోజకవర్గంలో బరిలోకి దిగి ఓటమి పాలైన వైయస్ వివేకానంద రెడ్డి తన ఓటమిని సమర్థించుకున్నారు. ఉప ఎన్నికల్లో ప్రజలు ఇచ్చిన తీర్పును శిరసా వహిస్తానని చెబుతూనే.. వైయస్ జగన్‌మోహన్‌రెడ్డి విజయానికి తన అన్న వైయస్ రాజశేఖర్ రెడ్డి చనిపోవడం పట్ల వచ్చిన సానుభూతే కారణమని అన్నారు. ఈ పరాజయంపై జగన్‌ సానుభూతి తనకు అవసరం లేదని వివేకా అన్నారు. తన రాజకీయ భవిష్యత్తు కంటే ప్రజా ప్రయోజనాల గురించే ఎక్కువగా ఆలోచిస్తానని ఆయన చెప్పారు.

కాగా.. ఉప ఎన్నికల్లో ఓటమిపై అధిష్టానానికి వివరణ ఇచ్చేందుకే తాను ఢిల్లీ వచ్చినట్లు వివేకా చెప్పారు. తమకు అన్యాయం జరిగిందంటూ జగన్‌, విజయమ్మలు ఓటర్ల వద్దకు వెళ్లడం వలనే ప్రజలు వారికి ఓట్లేశారని చెప్పారు. పార్టీ ఆదేశాలకు కట్టుబడి ఉంటానని, ఆ మేరకే భవిష్యత్తులో కూడా నడుచుకుంటానని వివేకా స్పష్టం చేశారు.

English summary

YS Vivekananda Reddy tells the media that he will accept the peoples’ verdict on the Pulivendula bi-elections and will not accept any other post in the event of his defeat.