వాస్తవ పరిస్థితి చెప్తేనే ఉంటారని ఆజాద్‌కు యాదవ రెడ్డి హెచ్చరిక

By Pratap

Published: Friday, May 20, 2011, 17:31 [IST]

హైదరాబాద్: రాష్ట్రంలోని వాస్తవ పరిస్థితిని కాంగ్రెసు అధ్యక్షురాలు సోనియా గాంధీకి వివరిస్తేనే ఉంటారని, లేకుంటే వీరప్ప మొయిలీలాగే వెళ్తారని కాంగ్రెసు తెలంగాణ ప్రాంత ఎమ్మెల్సీ యాదవ రెడ్డి పార్టీ ఆంధ్రప్రదేశ్ వ్యవహారాల ఇంచార్జీ గులాం నబీ ఆజాద్‌ను హెచ్చరించారు. పరిస్థితిని తప్పుగా తెలియజేస్తే కొనసాగడం కష్టమవుతుందని ఆయన శుక్రవారం మీడియా ప్రతినిధులతో అన్నారు. సమైక్యాంధ్రకు అనుకూలంగా పార్టీ శానససభ్యుడు గాదె వెంకటరెడ్డి చేసిన వ్యాఖ్యపై ఆయన మండిపడ్డారు.

తెలంగాణ ఉద్యమంలో తెలంగాణ రాష్ట్ర సమితి (తెరాస) జెండా మాత్రమే ఉండాలి, మిగతా పార్టీల జెండాలు ఉండకూడదనేది సరైంది కాదని కాంగ్రెసు సీనియర్ నాయకుడు పాల్వాయి గోవర్ధన్ రెడ్డి అన్నారు. తెలుగుదేశం పార్టీ తెలంగాణ నాయకుల్లో రెండు రకాల వాళ్లున్నారని, ఒక వర్గం పార్టీ అధ్యక్షుడు నారా చంద్రబాబు నాయుడికి ఊడిగం చేస్తుండగా, మరో వర్గం తెలంగాణ కోసం పోరాడుతోందని ఆయన అన్నారు.

Published On May 20, 2011