ముఖ్యమంత్రికి అనుభవం, నిబద్ధత లేదు: చంద్రబాబు ధ్వజం

న్యూఢిల్లీ: రైతుల నుంచి ధాన్యం సేకరించే విషయంలో ముఖ్యమంత్రి కిరణ్ కుమార్ రెడ్డికి అనుభవం లేదని, నిబద్ధత కూడా లేదని, దానివల్ల రైతులు తీవ్ర ఇబ్బందులకు గురవుతున్నారని తెలుగుదేశం పార్టీ అధ్యక్షుడు నారా చంద్రబాబు నాయుడు విమర్శించారు. రైతు సమస్యలపై కేంద్ర వ్యవసాయ శాఖ మంత్రి శరద్ పవార్‌తో సమావేశమైన తర్వాత ఆయన మంగళవారం మీడియా ప్రతినిధులతో మాట్లాడారు. కేంద్ర, రాష్ట్ర ప్రభుత్వాల చేతకాని తనం వల్లనే రైతులు ఇబ్బందుల పాలవుతున్నారని ఆయన అన్నారు. ధాన్యం కొనుగోళ్లను నిర్లక్ష్యం చేయడం వల్ల రాష్ట్ర రైతులు మూడు వేల కోట్ల రూపాయలు నష్టపోయారని ఆయన చెప్పారు.

ధాన్యం నిల్వ చేయడానికి గోదాములు కూడా లేవని ఆయన అన్నారు. రైతులు ధాన్యాన్ని అమ్ముకునే స్థితిలో లేరని, ధాన్యం సేకరణకు కేంద్ర, రాష్ట్ర ప్రభుత్వాలు ముందుకు రావడం లేదని ఆయన అన్నారు. రైతులు తీవ్రంగా నష్టపోతుండగా, రైతులు మాత్రం లాభపడుతున్నారని ఆయన అన్నారు. రైతులకు గిట్టుబాటు ధర లభించడం లేదని ఆయన అన్నారు.

English summary

TDP president N Chandrababu Naidu criticised that CM Kiran Kumar Reddy is not having experience on farmers problems.