గనుల రక్షణ కోసమే యాత్ర: రాజ్యసభ సభ్యుడు వి హనుమంతరావు

విశాఖపట్నం: రాష్ట్రంలోని అనర్హుల చేతుల్లో ఉన్న గనులను రక్షించేందుకు తాము గనుల రక్షణా యాత్ర చేపట్టినట్లు కాంగ్రెసు సీనియర్ నాయకుడు, రాజ్యసభ సభ్యుడు వి హనుమంతరావు సోమవారం విలేకరులతో మాట్లాడుతూ స్పష్టం చేశారు. వి హనుమంతరావు, మల్లు భట్టి విక్రమార్క, పొంగులేటి సుధాకర్ రెడ్డి, చీప్ విప్ కొండ్రు మురళి తదితరులు గనుల రక్షణా యాత్ర విశాఖపట్నం చేరుకుంది.

ఈ సందర్భంగా విహెచ్ మాట్లాడుతూ విశాఖ ప్లాట్ సొంత గనులు లేక త్వరలో మూత పడే ప్రమాదంలో ఉందని ఆయన ఆవేదన వ్యక్తం చేశారు. కొందరు పరిపాలనను అడ్డు పెట్టుకొని భారీగా దోచుకున్నారని, గనులను వారి సొంతం చేసుకున్నారని వారి నుండి గనులను రక్షించడానికే యాత్ర చేపట్టినట్టు చెప్పారు. గిరిజనేతరులకు కేటాయించిన గనులపై కేంద్రానికి నివేదిక సమర్పిస్తామని ఎమ్మెల్యే పొంగులేటి సుధాకర్ రెడ్డి అన్నారు.