తెలంగాణ పరిష్కారానికి చంద్రబాబుతో మెలిక పెట్టిన చిదంబరం

న్యూఢిల్లీ: తెలంగాణ సమస్య పరిష్కారానికి తెలుగుదేశం పార్టీ అధ్యక్షుడు చంద్రబాబు నాయుడి అభిప్రాయంతో మెలిక పెట్టారు. చంద్రబాబు తెలంగాణపై తన అభిప్రాయాన్ని చెప్తేనే సమస్యకు పరిష్కారం లభించే అవకాశాలున్నాయని ఆయన అన్నారు. తాము నిర్వహించే అఖిల పక్ష సమావేశానికి వచ్చి చంద్రబాబు తన అభిప్రాయం చెప్తే సమస్య పరిష్కారమవుతుందని ఆయన బుధవారం మీడియా ప్రతినిధులతో అన్నారు. తాము నిర్వహించే అఖల పక్ష సమావేశాలకు రాజకీయ పార్టీలు రాకుంటే సమస్యను పరిష్కరించడం సాధ్యం కాదని ఆయన అన్నారు.

తెలంగాణ సమస్యను సాధ్యమైనంత త్వరలో పరిష్కారించాలనే చంద్రబాబు అభిప్రాయంతో తాను ఏకీభవిస్తున్నానని ఆయన అన్నారు. రాజకీయ పార్టీల ప్రతినిధులు రానప్పుడు తెలంగాణపై తాము అఖిల పక్ష సమావేశాలు నిర్వహించడం వల్ల లాభం లేదని ఆయన అన్నారు. తెలంగాణ సమస్యను త్వరలో పరిష్కరించడానికి కేంద్రం ప్రయత్నాలు చేస్తోందని ఆయన అన్నారు. తెలంగాణ సమస్యను కేంద్రం జఠిలం చేసిందనే విమర్శలో నిజం లేదని ఆయన అన్నారు. తెలంగాణ సమస్యను జఠిలం చేసింది కేంద్ర ప్రభుత్వం కాదని ఆయన అన్నారు.

English summary

Union Home minister P Chidambaram said that TDP president N Chandrababu should express his opinion on Telangana.