విశ్వాస పరీక్షలో నెగ్గిన కర్ణాటక ముఖ్యమంత్రి యెడ్యూరప్ప

By Pratap

Published: Thursday, June 2, 2011, 15:45 [IST]

బెంగళూరు: కర్ణాటక ముఖ్యమంత్రి బిఎస్ యెడ్యూరప్ప గురువారం విశ్వాస పరీక్షలో నెగ్గారు. యెడ్యూరప్ప శానససభలో తన మెజారిటీని నిరూపించుకున్నారు. ఇది యెడ్యూరప్పకు నాలుగో విశ్వాస పరీక్ష. యెడ్యూరప్ప ప్రభుత్వానికి 119 మంది శానససభ్యులు అనుకూలంగా ఓటేశారు. కాంగ్రెసు వాకౌట్ చేయడం వల్ల, జెడిఎస్ శాసనసభా సమావేశాలను బహిష్కరించడం వల్ల వ్యతిరేకంగా ఒక్క ఓటు కూడా పడలేదు.

యెడ్యూరప్ప బలపరీక్షలో నెగ్గడానికి ఓటేసిన స్పీకర్ తప్పుకోవాలని ప్రతిపక్షాలు డిమాండ్ చేశాయి. తనంత తానుగా యెడ్యూరప్ప శానససభలో బలపరీక్షకు సిద్ధపడ్డారు. ఈ మేరకు బుధవారం బిజెపి శాసనసభా పక్ష సమావేశంలో నిర్ణయం తీసుకుని గురువారం విశ్వాస తీర్మానాన్ని ప్రతిపాదించారు. తన మంత్రివర్గంపై సభ విశ్వాసం ప్రకటిస్తోందని యెడ్యూరప్ప ఏకవాక్య తీర్మానాన్ని ప్రతిపాదించారు.

Published On June 2, 2011