• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

వైయస్ జగన్‌పై కాంగ్రెసు నేతల అఫిడవిట్, సోనియా గాంధీకి చిక్కులు

By Pratap
|

Sonia Gandhi
హైదరాబాద్‌: వైయస్సార్ కాంగ్రెసు పార్టీ అధ్యక్షుడు వైయస్ జగన్మోహన్ రెడ్డిపై కాంగ్రెసు నాయకులు యాదవ రెడ్డి, కెఆర్ ఆమోస్ హైకోర్టులో దాఖలు చేసిన అఫిడవిట్ ఆ పార్టీ అధ్యక్షురాలు సోనియా గాంధీని చిక్కుల్లో పడేసేట్లు ఉంది. ఓ దినపత్రికలోనూ, ఓ టీవీ చానెల్‌లోనూ వచ్చిన ఈ వార్తాకథనం తీవ్ర సంచలనం కలిగించింది. దీనిపై మాట్లాడడానికి కాంగ్రెసు నాయకులు ఇబ్బందులు పడుతున్నారు.

వైయస్ రాజశేఖర రెడ్డి ముఖ్యమత్రిగా ఉన్నప్పుడు విచ్చలవిడిగా దోపిడీకి పాల్పడ్డారని, ఆయన ఫ్యాక్షన్ మూలాలకు జడిసిన రాజ్యాంగ వ్యవస్థలు ఈ దోపిడీని అరికట్టలేకపోయాయని, రాజకీయ అవసరాల కోసం వైయస్సార్ పంపే నిధుల కోసం భారత ప్రభుత్వం కూడా ఈ దోపిడీపై ప్రేక్షక పాత్ర వహించిందని ఆమోస్, యాదవ రెడ్డి వాదించారు. అంటే, యుపిఎ చైర్ పర్సన్ సోనియా గాంధీ నాయకత్వంలో నడుస్తున్న కేంద్ర ప్రభుత్వంపై వారు నేరుగా ఆరోపణలు చేసినట్లేనని భావిస్తున్నారు.

వైయస్సార్ హయాంలో జరిగిన దోపిడీని జాతీయ స్థాయిలో జరిగిన 2జి స్పెక్ట్రమ్ కుంభకోణంతో మాత్రమే పోల్చగలమని వారు హైకోర్టుకు సమర్పించిన అఫిడవిట్‌లో వ్యాఖ్యానించారు. మొత్తం మీద, కాంగ్రెసు అధిష్టానం వైయస్సార్ హయాంలో జరిగిన దోపిడీని చూస్తూ ఊరుకుందని ఆ పార్టీ నేతలే విమర్శించినట్లయిందని అంటున్నారు. వైయస్ జగన్ అక్రమాస్తులపై ప్రస్తుతం మంత్రిగా ఉన్న శంకరరావు శాసనసభ్యుడిగా ఉన్నప్పుడు హైకోర్టుకు ఓ లేఖ రాసింది. దానిపై హైకోర్టు విచారణ చేపట్టింది. ఈ కేసులో తాము కూడా పాలుపంచుకుంటామంటూ కాంగ్రెసు నాయకులు ఆమోస్, యాదవరెడ్డి హైకోర్టును కోరారు. పూర్తి వివరాలతో ఓ పిటిషన్‌ను దాఖలు చేశారు.

English summary
The affidavit filed to the High Court in YS Jagan properties case by Congress leaders Yadav Reddy and amos is involving Sonia gandhi.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X