ఆ మంత్రిది ఎప్పుడూ హల్చల్: ఎవరు ప్రమాణ స్వీకారం చేసినా అంతే!
2004 ఎన్నికలకు ముందు కాంగ్రెసు పార్టీలో ఉన్న దానం నాగేందర్, ఎన్నికలకు కొద్ది రోజుల ముందు తెలుగుదేశం పార్టీలో చేరారు. అయితే అనూహ్యంగా ఆయన అనుకున్నట్టుగా కాకుండా టిడిపి ఓడి కాంగ్రెసు పార్టీ అనూహ్య విజయం సాధించింది. అయితే టిడిపి నుండి దానం మాత్రం గెలిచారు. అయితే తాను టిడిపి నుండి గెలుపొందినప్పటికీ తన మనసు కాంగ్రెసుతోనే ఉందని చెబుతూ అధికార కాంగ్రెసులో చేరడానికి ఆయన టిడిపికి దాంతో పాటు ఎమ్మెల్యే పదవికి రాజీనామా చేశారు. ఆ ఉప ఎన్నికలలో దానం ఓడిపోయినప్పటికీ ఆధికార కాంగ్రెసులోనే ఆయన ఉండిపోయి 2009 వరకు నిరీక్షించారు. ఆ తర్వాత వైయస్, రోశయ్య, కిరణ్ ముఖ్యమంత్రిత్వాలను అందరికి భిన్నంగా బలపర్చుకుంటూ వస్తున్నాడు. తాజా పిసిసి అధ్యక్షుడు బొత్స ప్రమాణ స్వీకారోత్సవంలో కూడా హడావుడి చేశారు. అయితే అధినాయకులను పలువురు విమర్శిస్తుంటారు, వారిపై కొందరు అలకబూనుతుంటారు, మరికొందరు స్తబ్దగా ఉంటారు. అందరికి భిన్నంగా దానం మాత్రం అందరికీ మద్దతు పలుకుతు రావడం విశేషం.
Click it and Unblock the Notifications
Sign in with Google