జైపాల్‌ రెడ్డి మాట్లాడకుంటా ఉండాల్సింది: పొంగులేటి సుధాకర్ రెడ్డి

By Srinivas

Published: Monday, June 13, 2011, 17:24 [IST]

హైదరాబాద్: కేంద్ర పెట్రోలియం శాఖ మంత్రి జైపాల్ రెడ్డి బొత్స సత్యనారాయణ ప్రదేశ్ కాంగ్రెసు కమిటీ బాధ్యతలుగా చేపడుతున్న సమావేశంలో ప్రాంతీయవాదం, ఉప ప్రాంతీయవాదం గురించి మాట్లాడాల్సి ఉండకుండేనని ఏఐసిసి నేత పొంగులేటి సుధాకర్ రెడ్డి సోమవారం అభిప్రాయపడ్డారు. ఈ నెల 15, 16వ తేదీలలో తెలంగాణ కాంగ్రెసు నేతలం ఢిల్లీ వెళతామని చెప్పారు. ఢిల్లీ వెళ్లి తెలంగాణ వాదం ఢిల్లీ పెద్దల ముందు వినిపిస్తామని స్పష్టం చేశారు.

తెలుగుదేశం పార్టీకి ఓ దిశ, దశ లేకుండా పోతుందని ఆయన విమర్శించారు. ఆ పార్టీ అధ్యక్షుడు చంద్రబాబునాయుడు వైఖరి తెలంగాణపై స్పష్టత లేదన్నారు. భారతీయ జనతా పార్టీ రాష్ట్రంలో మధ్యంతర ఎన్నికలు వస్తాయని కలలు కంటోందని విమర్శించారు. కాంగ్రెసు పార్టీపై బిజెపి అసత్య ఆరోపణలు మానుకోవాలని హితవు పలికారు.

Published On June 13, 2011