గంగానది రక్షణ కోసం నాలుగు నెలలు దీక్ష చేసిన స్వామి మృతి

డెహ్రాడూన్: ప్రభుత్వం, సామాజిక కార్యకర్త అన్నా హజారే మాటల యుద్ధం కొనసాగిస్తుండగా, నాలుగు నెలలుగా దీక్ష చేస్తున్న నిగ్మానంద మరణించారు. గంగానది రక్షించాలని డిమాండ్ చేస్తూ ఆయన నాలుగు నెలలుగా దీక్ష చేస్తున్నారు. హరిద్వార్ సమీపంలో గంగానది వెంట అక్రమ మైనింగ్‌ను, స్టోన్ క్రిషింగ్‌ను నిలిపేయాలని డిమాండ్ చేస్తూ ఆయన దీక్షను ప్రారంభించారు. బాబా రామ్‌దేవ్ దీక్ష విరమించిన హిమాలయన్ ఆస్పత్రిలోనే నిగ్మానంద సోమవారం తుది శ్వాస విడిచారు.

నిగ్మానంద ఫిబ్రవరి 19వ తేదీన దీక్షను ప్రారంభించారు. ఆరోగ్యం క్షీణించడంతో ఆయనను ఏప్రిల్ 27వ తేదీన హరిద్వార్‌లోని స్థానిక ఆస్పత్రికి బలవంతంగా తరలించారు. ఆ తర్వాత ఆయనను జోలీగ్రాంట్‌లోని హిమాలయన్ ఆస్పత్రికి ఈ నెలారంభంలో తరలించారు. కోమాలోకి వెళ్లిపోయిన నిగ్మానంద సోమవారంనాడు మరణించారు.

English summary

As the Government and social activist Anna Hazare continue their war of words, Swami Nigmananda, who had been fasting for almost four months to protest illegal mining and stone crushing along the Ganga near Haridwar died at the Himalayan hospital in Jolly grant in Dehradun on Monday.