పొన్నాల, కొండా సురేఖ ఇళ్ల ముట్టడికి విద్యార్థుల యత్నం

వరంగల్: వరంగల్‌లో కాకతీయ విశ్వవిద్యాలయం విద్యార్థులు బుధవారం మూడో రోజు కూడా ఆందోళనకు దిగారు. తమపై పోలీసుల లాఠీచార్జీకి నిరసనగా ఆందోళనకారులు వైయస్సార్ కాంగ్రెసు పార్టీ అధ్యక్షుడు వైయస్ జగన్ వర్గానికి చెందిన కొండా సురేఖ, తెలుగుదేశం శాసనసభ్యుడు ఎర్రబెల్లి దయాకర్ రావు, మంత్రి పొన్నాల లక్ష్మయ్య ఇళ్లను ముట్టడించడానికి ప్రయత్నించారు. పోలీసులు వారి ప్రయత్నాలను తిప్పికొట్టేందుకు ప్రయత్నించారు. దీంతో విద్యార్థులకు, పోలీసులకు మధ్య తోపులాట చోటు చేసుకుంది.

విద్యార్థులు ముట్టడికి ప్రయత్నించిన సమయంలో నాయకులు ఎవరూ వరంగల్‌లోని తమ ఇళ్లలో లేరు. సాగుపోరు సందర్భంగా మూడు రోజుల క్రితం వైయస్సార్ కాంగ్రెసు పార్టీ కార్యకర్తల దాడితో మొదలైన విద్యార్థుల ఆందోళన బుధవారం కూడా కొనసాగింది. తమపై లాఠీచార్జీ చేసిన పోలీసులపై చర్యలు తీసుకోవాలని విద్యార్థులు డిమాండ్ చేస్తున్నారు. అదే సమయంలో సీమాంధ్రులకు తొత్తులుగా వ్యవహరిస్తున్న ప్రజాప్రతినిధులు రాజీనామా చేయాలని కూడా డిమాండ్ చేస్తున్నారు.

English summary

Kakatiya University students tried to attack houses Konda Surekha and Ponnala Laxmaiah.