కొడుకు చేసిన తప్పుకి తల్లిని వివస్త్రను చేసి నడివీధుల్లో తిప్పిన వైనం

ఇస్లామాబాద్: కొడుకు చేసిన తప్పు ఒక నడివయసు పాకిస్థానీ మహిళ పాలిట శాపమైంది. ఆమెను నడివీధుల్లో వివస్త్రగా నిలబెట్టి ఘోర అవమానాలపాలు చేసింది. వాయవ్య పాకిస్థాన్‌లో జరిగిన ఈ అమానవీయ ఘటన ఆలస్యంగా వెలుగులోకి వచ్చింది. వివరాలు...ఖైబర్-పక్తూన్‌ఖ్వా రాష్ట్రం నీలోర్ బలా గ్రామానికి చెందిన ఒక మహిళ తన భర్త లాహోర్‌లో ఉన్న సమయంలో గర్భం దాల్చింది. స్థానికులు ఇద్దరు తనపై అత్యాచారం జరిపారని ఆమె తన భర్తతో చెప్పింది. అతడు ఈ విషయాన్ని ఈ నెల 8న తమ గ్రామ జిర్గా(పాక్ గ్రామీణ గిరిజన మండలి) పెద్దలు బషీర్ అబ్బాసీ, రఖీబ్‌లకు తెలియజేశాడు.

బాధితురాలు వెంటనే తన భర్తకు విడాకులివ్వాలని, ఆమెపై అత్యాచారానికి పాల్పడిన ఇద్దరు నిందితులను శిక్షించాలని జిర్గా నిర్ణయించింది. అనంతరం ఆ మహిళ భర్త, ముగ్గురు సోదరులు అదే గ్రామానికి చెందిన నిందితుల్లోని ఒక వ్యక్తి ఇంటికి చేరుకుని అతని తల్లిని ఇంటి నుంచి బలవంతంగా బయటకు లాక్కొని వచ్చారు. తుపాకీ మడమ కొనలతో విపరీతంగా కొట్టారు. అంతటితో ఆగక ఆమెను వివస్త్రను చేసి వీధుల్లో తిప్పారు. కొందరు మానవహక్కుల కార్యకర్తలు కారణంగా ఈ ఘటన తమ దృష్టికి వచ్చిందని, జిర్గాకు చెందిన ముగ్గురు సభ్యులను అరెస్టు చేశామని పోలీసుల డైలీ టైమ్స్‌‌కి వెల్లడించారు.

English summary

A woman was forcibly paraded naked through a village after her sons were accused of sleeping with a married neighbour who became pregnant.