జయలలిత గెలుపు తమిళనాడును రక్షించింది: రజనీకాంత్

చెన్నై: శానససభ ఎన్నికల్లో అన్నాడియంకె నేత జయలలిత విజయం సాధించి తమిళనాడును రక్షించారని తమిళ సూపర్ స్టార్ రజనీకాంత్ అన్నారు. విజయం సాధించిన జయలలితకు ఆయన శుభాకాంక్షలు తెలిపారు. సింగపూర్‌లోని ఆస్పత్రి నుంచి ఆయన డిశ్చార్జీ అయ్యారు. రజనీకాంత్ జయలలిత విజయాన్ని ఆహ్వానించిన విషయాన్ని ప్రభుత్వం గురువారం ఓ ప్రకటనలో తెలిపింది.

తాను ఆస్పత్రి నుంచి డిశ్చార్జీ అయ్యానని, తన నివాస స్థానానికి వచ్చానని, డిశ్చార్జీ కాగానే తొలి ఫోన్ జయలలితకు చేయాలని అనుకున్నానని, అందుకే ఫోన్ చేశానని రజనీకాంత్ చెప్పినట్లు ఆ ప్రకటనలో తెలిపారు. రజనీకాంత్ కోలుకోవడం పట్ల జయలలిత హర్షం వ్యక్తం చేశారు. సాధ్యమైనంత త్వరగా రజనీ చెన్నైకి రావాలని ఆశిస్తున్నట్లు ఆమె తెలిపారు.

రాణా షూటింగ్ సందర్భంగా అస్వస్థతకు గురైన రజనీకాంత్ రెండు సార్లు చెన్నైలోని ఆస్పత్రుల్లో చేరారు. ఆ తర్వాత మూత్రపిండాల చికిత్స కోసం సింగపూర్ వెళ్లారు. రజనీకాంత్ అన్నాడియంకెకు ఓటేసినట్లు వీడియో చానెళ్లు అప్పట్లో క్లిప్పింగులను చూపించిన విషయం తెలిసిందే.

English summary

Tamil superstar Rajinikanth, who was discharged from a hospital in Singapore today, greeted Chief Minister Jayalalitha on her assuming office and said the state had been 'saved' after she won the April 13 assembly polls by a massive mandate.