• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

జగన్ వర్గం ఎమ్మెల్యేలపై వేటుకు రంగం సిద్ధం: మొదట నల్లపురెడ్డిపై!

By Srinivas
|

YS Jagan
హైదరాబాద్ : వైయస్ఆర్ కాంగ్రెసు పార్టీ అధ్యక్షుడు వైయస్ జగన్మోహన్ రెడ్డి వెంట వెళుతున్న కాంగ్రెసు పార్టీ శాసనసభ్యులపై వేటు వేసేందుకు రంగం సిద్ధం అవుతున్నట్లుగా కనిపిస్తోంది. జగన్ వెంట వెళుతున్న కాంగ్రెసు శాసనసభ్యులలో కొండా సురేఖ, ఆదినారాయణ రెడ్డి తదితర నలుగురికి స్పీకర్ ఇప్పటికే తాఖీదులు జారీ చేశారు. అయితే వీరిపై వీరితో పాటు మరికొందరు ఎమ్మెల్యేలకు తాఖీదులు జారీ చేసి వారిపై వేటు వేసేందుకు రంగం సిద్ధం చేస్తున్నట్లుగా కనిపిస్తోంది. ఈ మేరకు ఇప్పటికే తాఖీదులు జారీ చేసి వివరణ తీసుకున్న టిడిపి జగన్ వర్గం ఎమ్మెల్యే నల్లపురెడ్డి ప్రసన్న కుమార్ రెడ్డిపై వేటు వేసిందుకు రంగం సిద్ధమైంది. త్వరలో వాదనలు షురూ అయ్యే పరిస్థితి కనిపిస్తోంది. వాదనలు విన్న తర్వాత ఇక వేయాల్సింది వేటే. అనర్హత పిటిషన్‌కు సంబంధించి సీనియారిటీ జాబితాలో మొదటివాడిగా ఉన్న ప్రసన్నకుమార్‌రెడ్డి అంశాన్ని త్వరగా తేల్చాలని స్పీకర్ కార్యాలయం భావిస్తోంది.

విశ్వసనీయ వర్గాల సమాచారం ప్రకారం అనర్హత పిటిషన్‌కు సంబంధించి టిడిపికి, నల్లపురెడ్డి శ్రీనివాస్‌కు స్పీకర్ నాదెండ్ల మనోహర్ మంగళవారం విడివిడిగా నోటీసులు పంపారు. ఈ నోటీసులను ప్రత్యేక దూత ద్వారా రాత్రి 8గంటల సమయంలో టీడీపీకి, నల్లపురెడ్డికి అందజేశారు. అందులో పేర్కొన్న దాని ప్రకారం ఈనెల 27న నల్లపురెడ్డి అనర్హతకు సంబంధించి టీడీపీ తన వాదనను వినిపించాల్సి ఉంటుంది. నల్లపురెడ్డి ప్రసన్నకుమార్‌రెడ్డి పార్టీ వ్యతిరేక కార్యాకలాపాలకు పాల్పడినట్లుగా రుజువు చేయాల్సిన బాధ్యత టీడీపీపై ఉంది. కాగా.. నల్లపురెడ్డి సమక్షంలోనే టిడిపి వాదన జరుగుతున్నపప్పటికీ వినే అవకాశంతప్ప జోక్యం చేసుకునే వీలు అయనకు లేదు.

ఈ నెల 28న తాను పార్టీ వ్యతిరేక కార్యకలాపాలకు పాల్పడంలేదని, టీడీపీ ఇచ్చిన అనర్హత పిటిషన్ చెల్లదంటూ ప్రస్నన్నకుమార్‌రెడ్డి సాక్ష్యాధారాలతో సహా తన వాదనలను వినిపించాల్సి ఉంటుంది. రెండింటినీ సమీక్షించుకుని త్వరలోనే స్పీకర్ తన తీర్పును వెల్లడించే అవకాశం ఉందని సమాచారం. ఆ వెంటనే కొండా సురేఖ, అమర్‌నాథ్ రెడ్డి, రావి నారాయణరెడ్డి, శ్రీకాంత్‌రెడ్డిలతో పాటు టీడీపీ సభ్యుడు బాల నాగిరెడ్డి, పిఆర్పీ శాసనసభ్యురాలు శోభానాగిరెడ్డిపై పిటిషన్లపైన విచారించనున్నట్లు సమాచారం.

English summary
Speaker Nadendla Manohar is ready to take action on YSR Congress party camp MLAs soon. First he may starts from TDP Jagan camp MLA Nallapureddy Prasanna Kumar Reddy. Nadenlda sent notice to Nallapureddy and TDP for talks.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X