IPL 2026: మట్టికరిపించిన బుడ్డోడు .. SRH ఎలిమినేట్
ఐపీఎల్ 2026 సీజన్లో సన్రైజర్స్ హైదరాబాద్(SRH) పోరాటం ముగిసింది. అద్వితీయమైన ప్రదర్శనతో ప్లే ఆఫ్స్కు అర్హత సాధించిన ఆరెంజ్ ఆర్మీని 15 ఏళ్ల వైభవ్ సూర్యవంశీ (29 బంతుల్లో 5 ఫోర్లు, 12 సిక్సర్లతో 97) ఒంటిచేత్తో మట్టికరిపించాడు. తనకే సాధ్యమైన విధ్వంసకర బ్యాటింగ్తో రాజస్థాన్ రాయల్స్కు చిరస్మరణీయమైన విజయాన్ని అందించాడు.
బుధవారం ముల్లాన్పూర్ వేదికగా జరిగిన ఎలిమినేటర్ మ్యాచ్లో సమష్టిగా విఫలమైన సన్రైజర్స్ హైదరాబాద్ 47 పరుగుల భారీ తేడాతో ఓటమిపాలైంది. ఈ విజయంతో రాజస్థాన్ రాయల్స్ క్వాలిఫయర్-2కు అర్హత సాధించింది. శుక్రవారం ముల్లాన్పూర్ వేదికగా జరిగే ఈ మ్యాచ్లో గుజరాత్ టైటాన్స్తో రాజస్థాన్ రాయల్స్ అమీతుమీ తేల్చుకోనుంది.
దెబ్బతీసిన ఆర్చర్, బర్గర్..
244 పరుగుల లక్ష్యఛేదనలో సన్రైజర్స్ హైదరాబాద్ 19.1 ఓవర్లలో 196 పరుగులకు ఆలౌటై ఘోర పరాజయాన్ని మూటగట్టుకుంది. ఇషాన్ కిషన్(11 బంతుల్లో 3 ఫోర్లు, 3 సిక్స్లతో 33), నితీష్ కుమార్ రెడ్డి(20 బంతుల్లో 3 ఫోర్లు, 2 సిక్స్లతో 38), సలీల్ అరోరా(21 బంతుల్లో 2 ఫోర్లు, 2 సిక్స్లతో 35) రాణించగా మిగతా బ్యాటర్లు దారుణంగా విఫలమయ్యారు. రాజస్థాన్ రాయల్స్ బౌలర్లలో జోఫ్రా ఆర్చర్(3/58) మూడు వికెట్లు తీయగా.. నండ్రే బర్గర్, సుశాంత్ మిశ్రా, రవీంద్ర జడేజా రెండేసి వికెట్లు పడగొట్టారు. యశ్రాజ్ పుంజా ఒక వికెట్ తీసాడు.
అంతకుముందు రాజస్థాన్ రాయల్స్ 20 ఓవర్లలో 8 వికెట్లకు 243 పరుగుల భారీ స్కోర్ చేసింది. వైభవ్ సూర్యవంశీతో పాటు ధ్రువ్ జురెల్(21 బంతుల్లో 5 ఫోర్లు, 3 సిక్సర్లతో 50) హాఫ్ సెంచరీతో రాణించాడు. సన్రైజర్స్ హైదరాబాద్ బౌలర్లలో ప్రఫుల్ హింగే(3/54) మూడు వికెట్లు తీయగా.. ఇషాన్ మలింగా, శివాంగ్ కుమార్, నితీష్ కుమార్ రెడ్డి తలో వికెట్ పడగొట్టారు.
కొంపముంచిన అభిషేక్ శర్మ..
భారీ లక్ష్యఛేధనలో సన్రైజర్స్ హైదరాబాద్కు ఆదిలోనే గట్టి షాక్ తగిలింది. జోఫ్రా ఆర్చర్ వేసిన తొలి ఓవర్లోనే అభిషేక్ శర్మ సిల్వర్ డకౌట్గా వెనుదిరిగాడు. దాంతో ఆరెంజ్ ఆర్మీ ఒక్క పరుగు చేయకుండానే వికెట్ కోల్పోయింది. దూకుడుగా ఆడిన ఇషాన్ కిషన్ ఆర్చర్ మరుసటి ఓవర్లో క్యాచ్ ఔటయ్యాడు. రవిచంద్రన్ స్మరణ్(1)ను అప్ది ఆర్డర్ పంపిస్తూ ఆరెంజ్ ఆర్మీ చేసిన ప్రయోగం వికటించింది. బర్గర్ బౌలింగ్లో స్మరణ్ వెనుదిరగ్గా..ట్రావిస్ హెడ్(17)ను ఆర్చర్ క్లీన్ బౌల్డ్ చేశాడు. దాంతో పవర్ ప్లేలోనే సన్రైజర్స్ హైదరాబాద్ 4 వికెట్లు కోల్పోయి పీకల్లోతు కష్టాల్లో పడింది.
నితీష్ పోరాడినా..
హెన్రీచ్ క్లాసెన్, నితీష్ కుమార్ రెడ్డి ఇన్నింగ్స్ నిలబెట్టే ప్రయత్నం చేసినా.. యశ్రాజ్ పుంజా దెబ్బకొట్టాడు. డేంజరస్ క్లాసెన్(18)ను వికెట్ల ముందు బోల్తా కొట్టించాడు. ఈ పరిస్థితుల్లో సలీల్ అరోరాతో కలిసి నితీష్ కుమార్ రెడ్డి పోరాడాడు. ఆచితూచి ఆడిన ఈ జోడీ వీలుచిక్కిన బంతిని బౌండరీకి తరలించింది. కానీ ఛేదించాల్సిన రన్రేట్ పెరిగిపోతుండటంతో దూకుడుగా ఆడాలనే ఒత్తిడిలో ఈ ఇద్దరూ వరుస ఓవర్లలో పెవిలియన్ చేరారు.
ఈ ఇద్దర్నీ జడేజా తన వరుస ఓవర్లలో క్యాచ్ ఔట్గా పెవిలియన్ చేర్చాడు. ప్యాట్ కమిన్స్(1)ను మిశ్రా పెవిలియన్ చేర్చడంతో సన్రైజర్స్ హైదరాబాద్ ఓటమి ఖాయమైంది. రాజస్థాన్ బౌలర్ల సహనాన్ని శివాంగ్ కుమార్( 27) కాసేపు పరీక్షించాడు. కానీ అతన్ని మిశ్రా ఔట్ చేసి రాజస్థాన్ రాయల్స్ విజయ లాంఛనాన్ని పూర్తి చేశాడు.
Click it and Unblock the Notifications
Sign in with Google