రాహుల్ గాంధీ రండి: హైదరాబాద్ అహ్వానించిన మేయర్ కార్తికారెడ్డి

By Srinivas

Published: Thursday, June 23, 2011, 18:40 [IST]

హైదరాబాద్: హైదరాబాద్ నగర మేయర్ కార్తికారెడ్డి ఏఐసిసి ప్రధాన కార్యదర్శి రాహుల్ గాంధీని గురువారం న్యూఢిల్లీలో కలిశారు. రాహుల్ గాంధీని కలిసిన కార్తికా రెడ్డి ఆయనను హైదరాబాద్ రావాల్సిందిగా ఆహ్వానించారు. ఈ సందర్భంగా ఆమె హైదరాబాదులో జరుగుతున్న అభివృద్ధి కార్యక్రమాలను ఆయనకు సవివరంగా చెప్పారు. హైదరాబాదులో వచ్చే నెల 1వ తారీఖు నుండి ప్లాస్టిక్ నిషేధ కార్యక్రమాలను చేపడుతున్నామని కార్తికరెడ్డి రాహుల్ గాంధీ దృష్టికి తీసుకు వెళ్లారు.

హైదరాబాద్ వచ్చి ప్లాస్టికి నిషేధ అవగాహన కార్యక్రమంలో పాల్గొనాలని కూడా ఆమె రాహుల్ గాంధీని కోరారు. అందుకు రాహుల్ గాంధీ సమ్మతించినట్లుగా తెలుస్తోంది. తాను హైదరబాద్ రావడానికి ప్రయత్నం చేస్తానని చెప్పినట్లుగా తెలుస్తోంది. తక్కువ సమయంలోనే వ్యక్తులను ఎలా ఇంప్రెస్ చేయాలో కార్తీకరెడ్డికి బాగా తెలుసని ఆమె సన్నిహితులు అంటుంటారంట. అందుకు తగ్గట్టుగానే రాహుల్‌తో తనకు అతి తక్కువ సమయం దొరికినప్పటికీ ఆమె దానిని సద్వినియోగం చేసుకున్నట్టుగానే కనిపిస్తోంది. మరో విషయం ఏమంటే వచ్చే ఎన్నికలలో సికింద్రాబాద్ నియోజకవర్గం నుండి ఎమ్మెల్యేగా పోటీ చేయడానికి ఇప్పటి నుండి కార్తిక రెడ్డి ప్రయత్నాలు చేస్తుందని కూడా సమాచారం.

Published On June 23, 2011