లగడపాటి పార్టీ నుండి వెళ్లి పోవాలి: పొన్నం ప్రభాకర్ డిమాండ్

By Srinivas

Published: Sunday, June 26, 2011, 13:04 [IST]

కరీంనగర్: అధిష్టానం మాటను ధిక్కరిస్తున్న విజయవాడ పార్లమెంటు సభ్యుడు లగడపాటి రాజగోపాల్ వంటి వారు కాంగ్రెసు పార్టీకి రాజీనామా చేయాలని తెలంగాణ కాంగ్రెసు పార్లమెంటు సభ్యుల ఫోరం కన్వీనర్ పొన్నం ప్రభాకర్ ఆదివారం డిమాండ్ చేశారు. లగడపాటి వంటి నేతలు పార్టీకి రాజీనామా చేసి బయటకు వెళ్లి పోవాలని అన్నారు. తెలంగాణను కొందరు సీమాంధ్ర నేతలు వ్యతిరేకించడం అర్థం లేనిదన్నారు.

తమ రాజీనామాలతో ప్రత్యేక రాష్ట్రం వస్తుందని తెలంగాణ రాష్ట్ర సమితి అన్నట్టు తెలంగాణ వస్తే అందుకు తాము సిద్ధంగా ఉన్నామన్నారు. ప్రతి కాంగ్రెసు ఎంపీ తెలంగాణ కోసం రాజీనామాలకు సిద్ధంగా ఉన్నారని అన్నారు. తెలంగాణ సాధన కోసం తమ పోరాటం ఆగదని చెప్పారు. తెలంగాణ వచ్చే వరకు ఉద్యమిస్తామన్నారు.

Published On June 26, 2011