సమైక్యాంధ్రకు జై అన్న తెలంగాణ బ్రాహ్మణ నేతలు

By Srinivas

Published: Sunday, July 10, 2011, 16:02 [IST]

తిరుపతి: ఓ వైపు తెలంగాణ ఉద్యమం తీవ్రమవుతుంటే తెలంగాణ ప్రాంతానికి చెందిన బ్రాహ్మణ నేతలు మాత్రం సమైక్యాంధ్రకు మద్దతు పలికారు. ఆంధ్ర ప్రదేశ్ బ్రాహ్మణ సమాఖ్య సేవా సంఘం ఆధ్వర్యంలో ఆదివారం మధ్యాహ్నం చిత్తూరు జిల్లాలోని తిరుపతిలో సమావేశమయ్యారు. ఈ సమావేశంలో తెలంగాణ ప్రాంతానికి చెందిన పలువురు బ్రాహ్మణ నేతలు సైతం పాల్గొన్నారు. ఈ సమావేశంలో సమైక్యాంధ్రనే ఉంచాలనే తీర్మానం ప్రవేశ పెట్టారు. ఈ తీర్మానం ఏకగ్రీవంగా ఆమోదం పొందింది.

తెలంగాణ ప్రాంతానికి చెందిన బ్రాహ్మణ నేతలు సైతం సమైక్యాంధ్రకే మొగ్గు చూపుతూ ఏకగ్రీవ తీర్మానం చేయడం విశేషం. ఈ సందర్భంగా వారు మాట్లాడారు. రాష్ట్రం సమైక్యాంగానే ఉండాలని వారు అభిప్రాయపడ్డారు. కొందరు స్వార్థపూరిత నేతలు పదవుల కోసం, అధికారం కోసం తమ రాజకీయ లాభం కోసం ఉద్యమం పేరుతో రాష్ట్రాన్ని విడగొట్టాలని చూస్తున్నారని ఆరోపించారు. రాష్ట్రం విడిపోతే నష్టపోతుందని అన్నారు.

Published On July 10, 2011