మంత్రి రఘువీరా రాజీనామాకు ఎయుజెఏసి డిమాండ్

విశాఖపట్నం: ఆంధ్రా విశ్వవిద్యాలయం ఐక్య కార్యాచరణ సమితి మంత్రులు రఘువీరా రెడ్డి, బాలరాజుల రాజీనామాకు సోమవారం డిమాండ్ చేశారు. విశాఖపట్నంలో రఘువీరా రెడ్డి, బాలరాజులను అడ్డుకున్న ఎయు విద్యార్థులు సమైక్యాంధ్ర కోసం రాజీనామాలు చేయాలని వినతి పత్రం సమర్పించారు. ఈ సందర్భంగా రఘువీరా రెడ్డి వారితో మాట్లాడుతూ రాజీనామాలు సమస్యకు పరిష్కారం కాదని సూచించారు. రాజీనామాల వల్ల ఫలితం ఉండదన్నారు. ఈ నెల 19న సమైక్యాంధ్రను కోరుతూ సీమాంధ్ర ప్రజా ప్రతినిధులు న్యూఢిల్లీ వెళ్లనున్నారని అధిష్టానానికి సమైక్యాంధ్రనే ఉంచాలని తాము విన్నవిస్తామని విద్యార్థులతో చెప్పారు.

కాగా ఈ నెల 17వ తేదీని మంత్రి శైలజానాథ్ ఆధ్వర్యంలో పలువురు సీమాంధ్ర నేతలు సమైక్యాంద్రనే ఉంచాలని కోరుతూ ఢిల్లీ వెళ్లనున్న విషయం తెలిసిందే. 18వ తేది నుండి 20 తేది వరకు మూడు రోజుల పాటు అక్కడే ఉంటున్నారు. రాష్ట్రాన్ని విడగొట్టవద్దని వారు అధిష్టానాన్ని కోరతారు. విడిపోతే కలిగే నష్టాలు, కలిసి ఉంటే ఉండే లాభాలు అధిష్టానం దృష్టికి తీసుకు రానున్నారు.

English summary

AUJAC demanded for ministers Raghuveera Reddy and Balaraju resignations today in Vishakapatnam. Raghuveera Reddy suggest them that there is no result with resignations.