'వారినంటే నాగం జనార్దన్‌కెందుకు ఉలుకు'

గుంటూరు: కేంద్రం ప్రత్యేక తెలంగాణ రాష్ట్రాన్ని ప్రకటిస్తే ఆత్మాహుతి దాడులు చేస్తామన్న తమ పార్టీ సీనియర్ శాసనసభ్యుడు పయ్యావుల కేశవ్ వ్యాఖ్యల్లో ఎలాంటి తప్పు లేదని తెలుగుదేశం పార్టీ సీనియర్ నేత యనమల రామకృష్ణుడు బుధవారం విలేకరులతో మాట్లాడుతూ అన్నారు. పయ్యావుల కాంగ్రెసు పార్టీ అధిష్టానాన్ని హెచ్చరిస్తే తెలుగుదేశం పార్టీ బహిష్కృత శాసనసభ్యుడు నాగం జనార్దన్ రెడ్డికి ఉలుకెందుకని ఆయన ప్రశ్నించారు. నాగంకు, కాంగ్రెసుకు ఉన్న లాలూచి ఏమిటో ఆయన బయటపెట్టాలని డిమాండ్ చేశారు.

కాగా అంతకుముందు గుంటూరు జిల్లాలో సీమాంధ్ర తెలుగుదేశం పార్టీ ప్రజాప్రతినిధులు పలువురు సమావేశమై సమైక్యాంధ్రకు మద్దతుగా తీర్మానం చేసిన విషయం తెలిసిందే. ఈ కార్యక్రమంలో పయ్యావుల మాట్లాడుతూ కేంద్రం తెలంగాణ ప్రకటిస్తే ఆత్మహుతి దాడులకు పాల్పడతామని హెచ్చరించారు. పయ్యావుల వ్యాఖ్యలపై తెలంగాణ ప్రజాప్రతినిధులు ధ్వజమెత్తారు.

English summary

TDP senior leader Yanamala Ramakrishnudu questioned TDP suspended MLA Nagam Janardhan Reddy today.