మరో మధుకొడా గాలి జనార్దన్ రెడ్డి, లోకాయుక్త రిపోర్ట్?

బెంగళూరు: కర్ణాటక మంత్రి గాలి జనార్దన్ రెడ్డికి చెందిన బళ్లారి గనుల డబ్బంతా ఎటు వెళ్లిందనేది ఇప్పుడు ప్రశ్నార్థకంగా మారింది. ప్రభుత్వాధికారులకు వెల్లడించిన సొమ్ము కన్నా ఎక్కువ స్థాయిలో లావాదేవీలు జరిగాయని అక్రమ మైనింగ్‌పై తుది నివేదిక తెలియజేస్తోది. ఆ సొమ్ము విషయంలో గాలి సోదరులు పన్ను ఎగవేతకు, మనీ లాండరింగ్‌కు పాల్పడ్డారనే ఆరోపణలు వస్తున్నాయి. జార్ఖండ్ మాజీ ముఖ్యమంత్రి మధుకొడా మాదిరిగానే గాలి బ్రదర్స్ అక్రమాలకు పాల్పడినట్లు ఆరోపణలు వస్తున్నాయి.

అక్రమాలకు పాల్పడినట్లు భావిస్తున్న 215.12 కోట్ల రూపాయల విషయంలో ఐటి శాఖ దర్యాప్తు చేసి కచ్చితమైన నష్టాన్ని అంచనా వేసి, భారత్‌కు ఆ డబ్బును రప్పించే ఏర్పాట్లు చేయాలని నివేదిక సూచించింది. ఓబుళాపురం మైనింగ్ కంపెనీ (ఒఎంసి) నుంచి అక్రమంగా విదేశాలకు గాలి జనార్దన్ రెడ్డి, గాలి కరుణాకర్ రెడ్డి, మంత్రి శ్రీరాములు తరలించారని యువి సింగ్ నేతృత్వంలోని అధికారులు కనిపెట్టారు.

ఆ నివేదిక ప్రకారం - ఒఎంసి సింగపూర్‌లోని జిఎల్ఎ ట్రేడింగ్ ఇంటర్నేషనల్‌కు 20 కన్‌సైన్‌మెంట్లు పంపింది. ఇందులో ఎక్కువగా చైనాకు వెళ్లింది. జిఎల్ఎ 2007 నవంబర్ 30వ తేదీన ఏర్పడింది. ఈ కంపెనీ డైరెక్టర్లలో గాలి జనార్దన్ రెడ్డి కూడా ఒక్కరు. మిగతా కంపెనీల కన్నా ఒఎంసి సింగపూర్ కంపెనీకి తక్కువ ధరకు ఇనుప ఖనిజాన్ని ఎగుమతి చేసినట్లు బయటపడింది. ఆ విలువ 35 శాతం తక్కువగా ఉందని, ఇది కస్టమ్స్ చట్టానికి విరుద్ధమని అంటున్నారు.

English summary

The final report on illegal mining illustrates that Karnataka's powerful Bellary ministers, whose transactions were way beyond what is declared to the state authorities, are involved in money laundering and tax evasion to smuggle out their crores - similar to what former Jharkhand CM Madhu Koda was up to some time ago.