కోదండరామ్ మాట తప్పారు: కొండా లక్ష్మణ్ బాపూజి

By Srinivas

Published: Tuesday, August 9, 2011, 12:46 [IST]

హైదరాబాద్: తెలంగాణ రాష్ట్ర సమితిపై ప్రముఖ తెలంగాణ స్వతంత్ర్య సమర యోధుడు కొండా లక్ష్మణ్ బాపూజీ మంగళవారం మరోసారి విరుచుకు పడ్డారు. సకల జనుల సమ్మె తెలంగాణ రాష్ట్ర సమితి కనుసన్నుల్లో నడుస్తుందని ఆరోపించారు. టిఎంసిసి సమావేశానికి తెలంగాణ రాజకీయ ఐక్య కార్యాచరణ సమితి చైర్మన్ ఆచార్య కోదండరామ్ వస్తానని చెప్పారని కానీ ఆయన రాలేదని అన్నారు. తెలంగాణ ప్రాంత తెలుగుదేశం పార్టీ ప్రజా ప్రతినిధులు తాము చేసే ప్రకటనలు ఆచరణలో పెట్టాలని సూచించారు. లేదంటే ఫలితం ఉండదన్నారు.

కాంగ్రెసు ప్రాంత ప్రజాప్రతినిధులు సైతం చిత్తశుద్ధితో తెలంగాణ కోసం పోరాటం చేయాలని సూచించారు. మాజీ మంత్రి జూపల్లి కృష్ణారావు రాజీనామాలో మాత్రమే తనకు చిత్తశుద్ధి కనిపిస్తోందన్నారు. తెలంగాణ ప్రాంత మంత్రులకు దమ్ముంటే ఆగస్టు 15న జాతీయ జెండాతో పాటు తెలంగాణ జెండా ఎగుర వేయాలని డిమాండ్ చేశారు. కేంద్ర మంత్రి గులాం నబీ ఆజాదుతో చర్చించిన తర్వాత సీమాంధ్ర ప్రాంత కాంగ్రెసు నేతలతో చర్చలు జరుపుతామని చెప్పారు. సమ్మెపై ఉద్యోగ సంఘాల నేతలు పిలిచినప్పటికీ రాలేదని ఆరోపించారు.

Published On August 9, 2011