చిదంబరం తప్పించుకుంటున్నారు: ఢిల్లీలో టిటిడిపి

By Srinivas

Published: Thursday, August 11, 2011, 13:07 [IST]

న్యూఢిల్లీ: ఏకాభిప్రాయం పేరుతో కేంద్ర హోంమంత్రి చిదంబరం తప్పించుకునే ప్రయత్నాలు చేస్తున్నారని తెలుగుదేశం పార్టీ సీనియర్ శాసనసభ్యుడు ఎర్రబెల్లి దయాకర రావు గురువారం అన్నారు. తెలంగాణ కోసం టి-తెలుగుదేశం పార్టీ న్యూఢిల్లీలోని జంతర్ మంతర్ వద్ద రెండు రోజుల దీక్ష చేపట్టింది. ఈ సందర్భంగా ఎర్రబెల్లి, కడియం శ్రీహరి తదితర నేతలు మాట్లాడారు. పార్లమెంటులో వెంటనే తెలంగాణ బిల్లు ప్రవేశ పెట్టాలని వారు డిమాండ్ చేశారు. కేంద్ర ప్రభుత్వం వెంటనే పార్లమెంటులో బిల్లు ప్రవేశ పెట్టాలని డిమాండ్ చేశారు.

ఆర్టికల్ 3 ప్రకారం పార్లమెంటులో బిల్లు ప్రవేశ పెడితే తమ పార్టీ మద్దతు ఇస్తుందని చెప్పారు. తెలంగాణ ప్రజల ఆకాంక్ష తెలియజేసేందుకు న్యూఢిల్లీలో ధర్నా చేస్తున్నట్టు చెప్పారు. కాగా గురువారం ఉదయం ప్రారంభమైన ధర్నా శుక్రవారం సాయంత్రం వరకు కొనసాగుతుంది.

Published On August 11, 2011