చిరంజీవి నియోజకవర్గంలో 'తెలంగాణ' కలకలం?

By Srinivas

Published: Sunday, August 14, 2011, 15:39 [IST]

తిరుపతి: ప్రజారాజ్యం పార్టీ అధ్యక్షుడు చిరంజీవి నియోజకవర్గంలో ఆదివారం తెలంగాణ కలకలం చోటు చేసుకుంది. తిరుపతిలో పలు చోట్ల తెలంగాణ వారికి షాపులు ఇవ్వవద్దు అంటూ పోస్టర్లు వెలిశాయి. వాటిని తిరుపతిలోని శ్రీ వెంకటేశ్వర యూనివర్శిటీ ఐక్య కార్యాచరణ సమితి విద్యార్థులు అంటించి ఉంటారని పలువురు భావించారు. దీంతో తిరుపతిలో తెలంగాణ వారికి షాపులు ఇవ్వద్దన్న విషయంపై చర్చ ప్రారంభమైంది.

అయితే పలువురు దీనిని ఖండించినట్లుగా తెలుస్తోంది. తెలంగాణ అయినా, సీమాంధ్ర అయినా అందరూ ఉండవచ్చునని ఇలాంటి సరికావని పలువురు భావించడంతో శ్రీ వెంకటేశ్వర యూనివర్సిటీ ఐక్య కార్యాచరణ సమితి అవి తమ పని కాదని వివరణ ఇచ్చారట. ఎస్వీ విద్యార్థులు ఎవరూ ఆ పోస్టర్లు అంటించలేదని వాటితో తమకు సంబంధం లేదని చెప్పారు. రాష్ట్రంలో ఏ ప్రాంతంలోనైనా ఎవరైనా ఉండవచ్చుననేదే తమ అభిమతమని విద్యార్థులు చెప్పారు.

Published On August 14, 2011