ఎమ్మార్ కేసులో అమెరికా పారిపోయిన స్టైలిష్ డెరెక్టర్?

By Srinivas

Published: Friday, August 26, 2011, 14:27 [IST]

హైదరాబాద్: ఎమ్మార్ అక్రమాల కేసులో స్టైలిష్ హోమ్స్ డైరెక్టర్ రంగారావు అమెరికా పారిపోయినట్లుగా తెలుస్తోంది. ఎమ్మార్ వ్యవహారాలపై సిబిఐ తన దర్యాఫ్తును ముమ్మరం చేసింది. సుమారు పది ప్రాంతాల్లో సోదాలు చేసేందుకు కోర్టు నుండి సిబిఐ అనుమతి తీసుకుంది. హైదరాబాదు, చెన్నైలలోని స్టైలిష్ హోమ్స్ కార్యాలయాలతో పాటు కెవిపి రామచంద్రరావు బంధువుల ఇళ్లలోనూ శుక్రవారం సిబిఐ సోదాలు నిర్వహిస్తున్నారు. సోదాలలో భాగంగా స్టైలిష్ హోమ్స్ డైరెక్టర్ రంగారావు ఇంటికి సిబిఐ అధికారులు వెళ్లారు. రంగారావు ఇంటికి తాళం వేసి ఉంది. వారం రోజులుగా ఆయన ఇంటికి తాళం వేసి ఉందని తెలుసుకున్న అధికారులు ఆయన ఇంటిని సీజ్ చేశారు. కాగా అంతకుముందు రంగారావు సిబిఐ ప్రాథమిక దర్యాఫ్తుకు హాజరయ్యారు.

కాగా వైయస్సార్సీ పార్టీ అధ్యక్షుడు వైయస్ జగన్మోహన్ రెడ్డికి చెందిన జగతి పబ్లికేషన్స్ కేసులో పివిపి వెంచర్స్ పొట్లూరి ప్రసాద్ ఇంట్లో సోదాలు నిర్వహించింది. పొట్లూరి ప్లాటెక్స్, పివిసి వెంచర్స్ ద్వారా జగన్ కంపెనీలలోకి భారీగా నిధులు మళ్లించినట్లు ఆరోపణలు ఉన్నాయి. దర్యాఫ్తును సిబిఐ జెడి లక్ష్మీ నారాయణ స్వయంగా పర్యవేక్షిస్తున్నారు. కాగా సిబిఐ ముందు వివిధ సంస్థల ప్రతినిధులు హాజరవుతున్నారు.

Published On August 26, 2011