తడిసి ముద్దయిన ముంబై, రైళ్లకు అంతరాయం

ముంబై: వర్షంతో ముంబై నగరం సోమవారం తడిసి ముద్దయింది. ప్రజలు కార్యాలయాలకు బయలుదేరే సమయంలో వర్షం అంతరాయం కలిగించింది. సెంట్రల్‌ లైన్‌లోని బైకుల్లా, దాదర్, థానే వంటి ప్రధాన స్టేషన్లను ట్రాక్‌లపై నీరు చేరడంతో మూసివేశారు. రోజుకు 30 లక్షల మంది ప్రయాణించే పశ్చిమ లైన్‌లో రైళ్లు పది నిమిషాలు ఆలస్యంగా నడుస్తున్నాయి. సోమవారం ఉదయం 11 గంటలకు బయలుదేరాల్సిన విమానాలు 20 నిమిషాలు ఆలస్యంగా బయలుదేరాయి.

ప్రతిరోజు సెంట్రల్ లైన్‌ను 35 నుంచి 40 లక్షల మంది ప్రయాణికులు వాడుతారు. మధ్యాహ్నం 12 గంటలకు రైళ్ల పునరుద్ధరణ జరిగింది. నగరంలోని మున్సిపల్ పాఠశాలలను ముసేశారు. వచ్చే 24 గంటల్లో భారీ వర్షాలు పడే అవకాశం ఉన్నట్లు వాతావరణ పరిశోధనా శాఖ అంచనా వేస్తోంది. వర్షాలు వచ్చిన ప్రతిసారీ ముంబై నగరవాసులు తీవ్ర ఇబ్బందులు ఎదుర్కుంటున్నారు.

English summary

It was a manic Monday for Mumbai commuters trying to get to office this morning.