వైయస్ జగన్ కేసు: సరస్వతి డైరెక్టర్ ఇంట్లో సోదాలు

By Srinivas

Published: Tuesday, August 30, 2011, 12:26 [IST]

హైదరాబాద్: వైయస్సార్ కాంగ్రెసు పార్టీ అధ్యక్షుడు, కడప పార్లమెంటు సభ్యుడు వైయస్ జగన్మోహన్ రెడ్డి ఆస్తుల విషయంలో సిబిఐ సోదాలు మంగళవారం కొనసాగుతున్నాయి. జగన్ కంపెనీలో పెట్టుబడులు పెట్టారని ఆరోపణలు ఎదుర్కొంటున్న సరస్వతి పవర్ డైరెక్టర్ శ్రీనివాస్ రాజు ఇంట్లో, ఆయన కార్యాలయంలో సిబిఐ మంగళవారం సోదాలు నిర్వహిస్తోంది. శ్రీనగర్‌లోని శ్రీనివాస్ రాజు నివాసంలో, కృష్ణానగర్‌లోని ఆయన కార్యాలయంలో సోదాలు నిర్వహిస్తున్నారు. సరస్వతి పవర్‌కి శ్రీనివాస్ రాజు ఇండిపెండెంట్ డైరెక్టర్ అని సమాచారం.

శ్రీనివాస్ రాజు జగన్ కంపెనీలలో వ్యక్తిగతంగా పెట్టుబడులు పెట్టినట్లు ఆరోపణలు ఎదుర్కొంటున్నారు. శ్రీనివాస్ రాజు ఇతర దేశాల నుండి పెట్టుబడులను సండూరుకు ఫ్లోటింగ్ చేసినట్టు ఆరోపణలు వస్తున్నాయి. ఇక ఎమ్మార్ కేసులో కోనేరు ప్రసాద్‌కు చెందిన త్రైమాక్స్ గ్రూప్ ఆఫ్ కంపెనీస్‌లో సిబిఐ సోదాలు నిర్వహిస్తోంది.

Published On August 30, 2011