జగన్ వర్గం ఎమ్మెల్యేలు కలవరం, రాజీనామాలపై వెనక్కి

న్యూఢిల్లీ: తమ రాజీనామాలు ఆమోదిస్తారేమోనని వైయస్సార్ కాంగ్రెసు పార్టీ అధ్యక్షుడు వైయస్ జగన్ వర్గానికి చెందిన శానససభ్యులు కలవరం చెందుతున్నట్లు వార్తలు వచ్చాయి. ఓ ప్రముఖ తెలుగు దినపత్రిక కథనం ప్రకారం - తమ రాజీనామాలను స్పీకర్‌ ఎక్కడ ఆమోదిస్తారోనని జగన్‌ వర్గం ఎమ్మెల్యేలు భయపడుతున్నట్లు కాంగ్రెస్‌ వర్గాల ద్వారా తెలిసింది. అనర్హత పిటిషన్లు ఎదుర్కొంటున్న ఎమ్మెల్యేలు ఎట్టిపరిస్థితుల్లోనూ తమపై వేటు వేయొద్దని వేడుకొంటున్నట్లు సమాచారం. విశ్వసనీయ సమాచారం మేరకు జగన్‌ కోటరీ ఒత్తిడి చేయడం వల్లే తాము ఆవేశంలో రాజీనామాచేసినట్లు ఎమ్మెల్యేలు ఆవేదన వ్యక్తం చేస్తున్నారు. తమ రాజకీయ భవిష్యత్తును దృష్టిలో పెట్టుకొని రాజీనామాలను ఆమోదించకుండా చూడాలని కోరుతున్నారు.

రాయబారం నడిపి పరువు కాపాడేలా వ్యవహరిస్తే కనీసం ఆరుగురు ఎమ్మెల్యేలు రాజీనామాలు ఉపసంహరించుకొని, తిరిగి తమతో కలిసేందుకు సిద్ధంగా ఉన్నట్లు కాంగ్రెస్‌ నేతలు చెబుతున్నారు. తాము రాజీనామా చేస్తే మరో పదిహేను మంది రాజీనామా చేస్తారని జగన్‌ సన్నిహితులు చెప్పారని, తీరా చూస్తే ఒక్కరు కూడా రాజీనామా చేయలేదని ఎమ్మెల్యేలు అంటున్నారు. ప్రస్తుతం రాజీనామాలు ఆమోదిస్తే, ఉప ఎన్నికలు తప్ప ప్రభుత్వం పడిపోయే పరిస్థితి లేదని వారు అంగీకరిస్తున్నారు. ఎన్నికలను ఎదుర్కోవాలంటే కనీసం రూ.10 కోట్లు ఖర్చుచేయాలని, జగన్‌ పైసా ఇచ్చే పరిస్థితి లేదని కడప ఎమ్మెల్యేలు అంటున్నారు. పీసీసీ అధ్యక్షుడు బొత్స.. దమ్ముంటే రాజీనామాలు ఆమోదించుకోవాలని సవాల్‌ విసిరారని, ఉన్నత స్థానంలో ఉన్న వ్యక్తి రాజీనామాలు ఉపసంహరింపజేసే ప్రయత్నం చేయాలి తప్పితే ఇలా రెచ్చగొట్టడం ఏంటని ప్రశ్నిస్తున్నారు.

English summary

According to a Telugu daily - YSR Congress president YS Jagan camp MLAs are rethinking about resignations