రూ.5.45 లక్షలు పలికిన బాలాపూర్ లడ్డూ

హైదరాబాద్: హైదరాబాద్: రాష్ట్రవ్యాప్తంగా అందరూ ఎదురు చూసే బాలాపూర్ గణేశుడి లడ్డూ రూ5 .45 లక్షలు పలికింది. దీనిని కొనుగోలు కొలన్ సోదరులు కొనుగోలు చేశారు. ఈ లడ్డూను కొలన్ మోహన్ రెడ్డి, కొలన్ లక్ష్మా రెడ్డి దక్కించుకున్నారు. లడ్డూ ధర గత సంవత్సరం కన్నా పది వేల రూపాయలు ఎక్కువగా పలికింది. అయితే బాలాపూర్ గ్రామస్తులు లడ్డూను రెండేళ్ల తర్వాత సొంతం చేసుకోవడం విశేషం. బాలాపూర్ లడ్డూ వేలం 1994 నుండి ప్రారంభం అయింది. గత సంవత్సరం ఈ లడ్డూ రూ.5.35 లక్షలు పలికింది. గత కొద్దికాలంగా హైదరాబాదు చుట్టు పక్కల భూముల రేట్లు భారీగా పెరగడంతో ఇటీవల బాలాపూర్ లడ్డూను స్థానికులు లక్షలు వెచ్చించి కొనుగోలు చేస్తున్నారు.

గత కొన్నేళ్లుగా బాలాపూర్ గణేశుడి లడ్డూ లక్షలు పలుకుతూ రాష్ట్రవ్యాప్తంగా అందరి దృష్టిని ఆకర్షిస్తోంది. కాగా ఆదివారం సుమారు 40వేల వినాయక విగ్రహాలు నిమజ్జనం కానున్నాయి. హుస్సేన్ సాగర్‌తో పాటు హైదరాబాదులోని పలు చెరువులను నిమజ్జనం కోసం సిద్ధం చేశారు. నగరంలో భారీగా పోలీసులు మోహరించారు. హుస్సేన్ సాగర్‌కు వెళ్లే దారిలో ట్రాఫిక్ ఆంక్షలు విధించారు.

English summary

Kolan Mohan Reddy and Kolan Krishna Reddy brothers sold Balapur Ganesh Laddu for Rs.5.45 lacks.