ఇమిటేట్ చేయడమంటే అవమానించినట్లు కాదు.. స్పోర్టివ్గా తీసుకోవాలి
'కొరియన్ కనకరాజు' సినిమాలో సీనియర్ ఎన్టీఆర్ నటించిన 'యుగపురుషుడు'లోని ప్రసిద్ధ "మీ స్ట్రోక్ చాలా అమెచ్యూరిష్గా ఉంది" అనే సన్నివేశాన్ని కమెడియన్ సత్య ఇమిటేట్ చేశారు. సినిమాలోని ఈ సన్నివేశంలో జరిగింది ఇమిటేషనే. కథానాయకుడు లేదా ఇతర పాత్రల చేతిలో దెబ్బలు తిన్న తర్వాత, సత్య తనదైన కామిక్ టైమింగ్తో సీనియర్ ఎన్టీఆర్ డైలాగ్, హావభావాలను ఇమిటేట్ చేస్తారు. అయితే దీనిపై నందమూరి తారకరామారావు లాంటి దిగ్గజాన్ని అవమానించారంటూ సామాజిక మాధ్యమాల్లో తీవ్రమైన చర్చ జరుగుతోంది. నందమూరి అభిమానులు తీవ్రస్థాయిలో చిత్రయూనిట్ పై విరుచుకుపడుతున్నారు.
కామెడీ కోసం చేసిందేకానీ..
చిత్ర యూనిట్ స్పందిస్తూ.. ఇది వినోదం కోసం చేసిన స్పూఫ్ మాత్రమేనని, దిగ్గజ నటుడిపై గౌరవంతోనే చేశామని స్పష్టం చేశారు. అయితే, ఎన్టీఆర్ అభిమానులు దీనిని అవమానంగా భావించడానికి ప్రధాన కారణం టైమింగ్. ఈ సినిమా విడుదల కావడానికి కొద్దిరోజుల ముందు సోషల్ మీడియాలో ఆ పాత వీడియో క్లిప్ మీమ్గా వైరల్ అయింది. ఆ సమయంలోనే సినిమాలో అదే సీన్పై హాస్య సన్నివేశం పెట్టడంతో, "కావాలనే ఎన్టీఆర్ను ట్రోల్ చేయడానికి ప్లాన్ చేశారా?" అని అభిమానులు అభ్యంతరం వ్యక్తం చేశారు.
గౌరవం లేదా వినోదం అవుతుంది
సాధారణంగా ఇమిటేషన్ చేయడం అవమానించడం కానే కాదు. ఒక నటుడి మ్యానరిజమ్స్ లేదా డైలాగ్స్ విపరీతంగా ప్రజాదరణ పొందినప్పుడు మాత్రమే ఇతరులు వాటిని అనుకరిస్తారు. ఇది ఆ నటుడి ఇంపాక్ట్కి నిదర్శనం. అయితే, చేసే ఉద్దేశం సద్భావంతో ఉంటే అది గౌరవం లేదా వినోదం అవుతుంది. అదే వెక్కిరిస్తూ లేదా హేళన చేస్తూ చేస్తే అది ట్రోలింగ్ అవుతుంది. 'కొరియన్ కనకరాజు'లోని సీన్ కేవలం ప్రేక్షకులను నవ్వించడానికి చేసిన ఇమిటేషన్ మాత్రమే తప్ప ఎన్టీఆర్ను తక్కువ చేసి చూపించే ఉద్దేశంతో చేసినది కాదు. సోషల్ మీడియాలో వైరల్ అయిన మీమ్ టైమింగ్ వల్లనే అభిమానుల్లో ఈ వివాదం ఏర్పడింది అని సినీ విశ్లేషకులు అభిప్రాయపడుతున్నారు.
Click it and Unblock the Notifications
Sign in with Google