హైదరాబాదులో విధ్వంసానికి ఉగ్రవాదుల ప్లాన్

హైదరాబాద్: ఆంధ్రప్రదేశ్ రాజధాని హైదరాబాదుకు పెద్ద ప్రమాదమే తప్పంది. హైదరాబాదులోని విధ్వంసానికి జరిగిన ఉగ్రవాదుల కుట్రను పోలీసులు భగ్నం చేసినట్లు వార్తలు వస్తున్నాయి. వినాయక విగ్రహాల నిమజ్జనం రోజు పెద్ద యెత్తున విధ్వంసానికి పాల్పడాలని ఉగ్రవాదులు వ్యూహం పన్నినట్లు ఇంటెలిజెన్స్ బ్యూరో నుంచి హైదరాబాదు పోలీసులకు సమాచారం అందినట్లు తెలుస్తోంది. దీంతో హైదరాబాదు పోలీసులు అప్రమత్తమై కుట్రను భగ్నం చేసినట్లు చెబుతున్నారు.

హైదరాబాదులో విధ్వంసానికి ఐదుగురు ఉగ్రవాదులు దిగినట్లు చెబుతున్నారు. వారిలో ముగ్గురు అనుమానితులను పోలీసులు అదుపులోకి తీసుకుని పోలీసులు విచారిస్తున్నట్లు తెలుస్తోంది. మరో ఇద్దరు పరారీలో ఉన్నట్లు సమాచారం. హైదరాబాదుతో పాటు అహ్మదాబాద్‌ను ఉగ్రవాదులు లక్ష్యం చేసుకున్నట్లు తెలుస్తోంది. హైదరాబాదులోని ఇమ్లీబన్ బస్సు స్టేషన్‌ను ఉగ్రవాదులు టార్గెట్ చేసినట్లు ఓ టీవీ చానెల్ ప్రతినిధికి సమాచారం వచ్చినట్లు తెలుస్తోంది. జనసమ్మర్థం ఉండే హైదరాబాదులోని ప్రాంతాలను టార్గెట్ చేసుకుని విధ్వంసానికి దిగాలని ఉగ్రవాదులు ప్లాన్ చేసుకున్నట్లు చెబుతున్నారు.

English summary

It is said that terrorists targeted Hyderabad for their attacks, It also said that three were nabbed by the police.