గుజరాత్ ముఖ్యమంత్రి నరేంద్ర మోడీ దీక్ష ప్రారంభం

By Pratap

Published: Monday, May 28, 2012, 19:00 [IST]

అహ్మదాబాద్: శాంతి సామరస్యాలను, ఐక్యతను కోరుతూ గుజారత్ ముఖ్యమంత్రి నరేంద్ర మోడీ తన మూడు రోజుల నిరాహార దీక్షను శనివారం ఉదయం ప్రారంభించారు ఈ కార్యక్రమానికి పలువురు ప్రముఖులు హాజరయ్యారు. గుజరాత్ అల్లర్ల కేసులో తనకు ఊరట కలిగిస్తూ సుప్రీంకోర్టు తీర్పు ఇచ్చిన నేపథ్యంలో ఆయన దీక్షకు పూనుకున్నారు. దాన్ని ఆయన సబ్భావనా మిషన్‌గా పిలుస్తున్నారు.

మోడీ దీక్ష ప్రారంభ కార్యక్రమానికి జాతీయ ప్రజాతంత్ర కూటమి (ఎన్‌డిఎ) భాగస్వామ్య పక్షాలకు చెందిన నాయకులు హాజరయ్యారు. తమిళనాడు ముఖ్యమంత్రి జయలలిత కూడా తన ప్రతినిధులను పంపించారు. బిజెపి నేతలు ఎల్‌కె అద్వానీ, అరుణ్ జైట్లీ వచ్చారు. గుజరాత్ విశ్వవిద్యాలయంలోని కన్వెన్షన్ సెంటర్‌లో మోడీ తన దీక్షను ప్రారంభించారు. మోడీ దీక్షకు పోటీగా శంకర్ సింగ్ వాఘేలా దీక్షను ప్రారంభించారు. లోకాయుక్తకు భయపడే మోడీ దీక్ష చేస్తున్నారని ఆయన విమర్శించారు.

Published On May 28, 2012