జగన్ ఆస్తులపై సిబిఐ దర్యాప్తు వేగం తగ్గిందా?

హైదరాబాద్: వైయస్సార్ కాంగ్రెసు పార్టీ అధ్యక్షుడు వైయస్ జగన్ ఢిల్లీ యాత్ర తర్వాత సిబిఐ దర్యాప్తులో వేగం తగ్గిందనే అభిప్రాయం వ్యక్తమవుతోంది. వైయస్ జగన్ ఆస్తులపై సిబిఐ దర్యాప్తు వేగం మందగించిందనే వ్యాఖ్య వినిపిస్తోంది. తాను కేసుల నుంచి బయటపడుతానని వైయస్ జగన్ తాజాగా ఆదివారం కృష్ణా జిల్లా ఓదార్పు యాత్రలో అన్నారు. దీన్నిబట్టి కాంగ్రెసు పార్టీ పెద్దలతో వైయస్ జగన్‌కు ఒప్పందం కుదిరందని తెలుగుదేశం పార్టీ నాయకులు అనుమానిస్తున్నారు.

వైఎస్సార్ కాంగ్రెస్ అధినేత జగన్ ఢిల్లీ యాత్రకు ముందు ఆయన ఆస్తులు, అక్రమాల విషయమై సీబీఐ విచారణ వేగంగా జరిగిందని, జగన్ ఢిల్లీ యాత్ర తర్వాత నెమ్మదించినట్లుందని తెలుగుదేశం పార్టీ నేత ఇనుగాల పెద్దిరెడ్డి అన్నారు. ఢిల్లీ నుంచి వచ్చాక జగన్ స్వరంలో కూడా మార్పు వచ్చిందని ఆయన ఆదివారం మీడియా ప్రతినిధుల సమావేశంలో అన్నారు. టీడీపీ అధినేత చంద్రబాబును విమర్శించడమే లక్ష్యంగా వ్యవహరిస్తున్నారని ధ్వజమెత్తారు. ఆస్తులు ప్రకటించిన చంద్రబాబును విమర్శించడం మాని, తాను కూడా ఆస్తులు ప్రకటించాలని డిమాండ్ చేశారు.

English summary

TDP leader Peddireddy expressed doubts over CBI probe on YSR Congress president YS Jagan.