గాలి ఓఎంసి ఆఫీసులో కీలక డాక్యుమెంట్లు లభ్యం!

By Srinivas

Published: Sunday, September 25, 2011, 15:54 [IST]

బెంగళూరు: కర్నాటక మాజీ మంత్రి, భారతీయ జనతా పార్టీ సీనియర్ శాసనసభ్యుడు గాలి జనార్ధన్ రెడ్డికి చెందిన ఓబుళాపురం మైనింగ్ కార్యాలయాలలో సిబిఐ అధికారులు ఆదివారం మరోసారి సోదాలు నిర్వహించారు. ఈ తనిఖీల్లో వారు ముఖ్యమైన పత్రాలను, సిడిలను స్వాధీనం చేసుకున్నారు. ఎలక్ట్రానిక్ రూపంలో ఉన్న మరికొంత సమాచారాన్ని కూడా అధికారులు స్వాధీనం చేసుకున్నారు. బళ్లారిలోని ఓఎంసి కార్యాలయం గాలి ఇంటికి సమీపంలోనే ఉన్నది.

ఈ సోదాలలో అధికారులకు ఖనిజ అక్రమ రవాణా, ఆర్థిక లావాదేవీలకు సంబంధించిన కీలక డాక్యుమెంట్లు దొరికినట్లుగా తెలుస్తోంది. కాగా గత కొన్నాళ్లుగా సిబిఐ అధికారులు ఆంధ్రప్రదేశ్, కర్నాటక రాష్ట్రాలలోని గాలి ఆస్తుల పైన, ఆయన సన్నిహితుల ఇళ్లలోనూ సోదాలు నిర్వహిస్తూ పలు పత్రాలు, సిడిలు స్వాధీనం చేసుకుంటున్న విషయం తెలిసిందే.

Published On September 25, 2011