తెలంగాణపై తేలిస్తే సీమాంధ్ర భగ్గుమంటుంది: హర్షకుమార్

By Pratap

Published: Friday, October 7, 2011, 13:59 [IST]

హైదరాబాద్: తెలంగాణకు అనుకూలంగా నిర్ణయం తీసుకుంటే సీమాంధ్ర భగ్గుమంటుందని కాంగ్రెసు సీమాంధ్ర పార్లమెంటు సభ్యుడు హర్షకుమార్ అన్నారు. రాష్ట్ర విభజనకు మొదటి నుంచి అనుకూలంగా మాట్లాడుతున్న హర్షకుమార్ శుక్రవారం మీడియా ప్రతినిధులతో అలా మాట్లాడడం విశేషం. సమ్మెల వల్ల, కేంద్ర ప్రభుత్వంపై ఒత్తిడి తేవడం వల్ల, ప్రజా జీవితాన్ని స్తంభింపజేయడం వల్ల తెలంగాణ రాదని ఆయన అన్నారు. చర్చల ద్వారా మాత్రమే తెలంగాణ సాధ్యమవుతుందని ఆయన అన్నారు.

తెలంగాణ రాష్ట్ర ఏర్పాటుకు ఏకాభిప్రాయం అవసరమని, దీనికోసం తమ పార్టీ అధిష్టానం కృషి చేస్తోందని ఆయన అన్నారు. తెలంగాణకు అనుకూలంగా నిర్ణయం తీసుకుంటే సీమాంధ్ర ప్రజలు ఏ విధంగా ప్రతిస్పందిస్తారనేది చూసుకోవాల్సి ఉంటుందని, సమయం చూసుకుని తెలంగాణపై నిర్ణయం తీసుకోవాల్సిన అవసరం ఉంటుందని ఆయన అన్నారు.

Published On October 7, 2011