జానారెడ్డి మరో చెన్నా రెడ్డి అవుతున్నారు: ఎర్రబెల్లి

By Pratap

Published: Monday, October 17, 2011, 15:19 [IST]

హైదరాబాద్: తెలంగాణ విషయంలో మంత్రి జానారెడ్డి మరో చెన్నారెడ్డి అవుతున్నారని తెలుగుదేశం తెలంగాణ ఫోరం కన్వీనర్ ఎర్రబెల్లి దయాకర్ రావు వ్యాఖ్యానించారు. కాంగ్రెస్, తెలుగుదేశం పార్టీలు మ్యాచ్ ఫిక్సింగ్ అయ్యాయని టీడీపీ నేత ఎర్రబెల్లి దయాకర్‌రావు ఆరోపించారు. తెలంగాణ వచ్చే వరకు పోటీ చేయకూడదనే బాన్సువాడ అభ్యర్థిని పెట్టలేదని, కాంగ్రెస్‌తో కుమ్మకాయ్యారని తమపై తప్పుడు ప్రచారాలు వస్తున్నాయని ఆయన సోమవారం మీడియా ప్రతినిధుల సమావేశంలో అన్నారు.

కూకట్‌పల్లి కార్పోరేషన్ ఉప ఎన్నికల్లో తెలంగాణ రాష్ట్ర సమితి (తెరాస) కావాలనే అభ్యర్థిని నిలబెట్టలేదని, గత ఎన్నికల్లో గెలిచిన ముగ్గురు టీఆర్ఎస్ ఎమ్మెల్యేలు కాంగ్రెస్‌కు అమ్ముడు పోయారని అన్నారు. తెలంగాణ కోసం తామంతా రాజీనామా చేసినా కాంగ్రెసువారు ఎవరూ రాజీనామా చేయలేదని ఆయన అన్నారు. తెరాస, తెలంగాణ జెఎసి నేతలకు కాంగ్రెసు అంటే అంత ప్రేమ ఎందుకు చెప్పాలని ఆయన డిమాండ్ చేశారు. సకల జనుల సమ్మెకు మద్దతుగా తాము తెలంగాణ జిల్లాల కలెక్టర్ కార్యాలయాల వద్ద ధర్నా చేయనున్నట్లు ఆయన తెలిపారు.

Published On October 17, 2011