పోలవరం టెండర్ల ఖరారుపై పిటిషన్, హైకోర్టు విచారణ

హైదరాబాద్: గోదావరి నదిపై తలపెట్టిన పోలవరం టెండర్ల ఖారారుపై దాఖలైన పిటిషన్‌ను రాష్ట్ర హైకోర్టు సోమవారం విచారణకు స్వీకరించింది. విచారణను ఈ నెల 27వ తేదీకి వాయిదా వేసింది. పోలవరం వివిధ పనులకు సంబంధించి మూడు కంపెనీలు టెండర్లు దక్కించుకున్నాయి. ఇందులో షూ కంపెనీ కూడా ఒక్కటి. ఈ కంపెనీకి టెండర్ కట్టబెట్టడంపై తీవ్ర దుమారం చెలరేగింది. దీనిపైనే సోమ, రిత్విక్ కంపెనీలు హైకోర్టులో పిటిషన్ దాఖలు చేశాయి. పోలవరం టెండర్ల ఖరారను రద్దు చేయించాలని ఆ కంపెనీలు హైకోర్టును కోరాయి.

ఆర్హత లేని షూ కంపెనీకి టెండర్ కట్టబెట్టారని సోమ కంపెనీ ఆరోపించింది. షూ కంపెనీకి పోలవరం ప్రాజెక్టు పనుల టెండర్ దక్కడంపై రాజకీయ దుమారం చెలరేగింది. తెలంగాణ రాష్ట్ర సమితి (తెరాస) అధ్యక్షుడు కె. చంద్రశేఖర రావు వివాదంలో చిక్కుకున్నారు. దీంతో ఆయన వివరణ ఇవ్వాల్సిన పరిస్థితి ఏర్పడింది. పోలవరం ప్రాజెక్టు టెండర్లను రద్దు చేయాలని ఆయన ప్రభుత్వాన్ని కోరారు. ఈ మేరకు ఆయన అదివారం ముఖ్యమంత్రి కిరణ్ కుమార్ రెడ్డికి లేఖ రాశాయి.

English summary

Soma company challenged Polavaram project tenders finalization in High Court.