ఆధారాలుంటే ఏం చేస్తున్నారు: సిపిఐ నారాయణ

By Srinivas

Published: Monday, October 24, 2011, 15:17 [IST]

అనంతపురం/ఖమ్మం: తెలుగుదేశం పార్టీ అధ్యక్షుడు, మాజీ ముఖ్యమంత్రి నారా చంద్రబాబు నాయుడు అక్రమాలపై ఆధారాలు ఉంటే ప్రభుత్వం వెంటనే విచారణ జరిపించాలని సిపిఐ రాష్ట్ర కార్యదర్శి నారాయణ సోమవారం అనంతపురం జిల్లాలో అన్నారు. ఆయనపై ఆధారాలు ఉంటే కాంగ్రెసు ప్రభుత్వం విచారణ ఎందుకు చేపట్టడం లేదని ప్రశ్నించారు. గత సాధారణ ఎన్నికల్లో తాము తెలుగుదేశం పార్టీతో పొత్తు పెట్టుకున్నప్పటికీ గతంలో చంద్రబాబు వ్యతిరేక విధానాల పైన ఉద్యమాలు చేశామన్నారు. బాబు అవినీతిపై విచారణ జరిపితే తమకేమీ అభ్యంతరం లేదన్నారు. అక్రమాలు ఎవరు చేశారని తెలిసినా విచారణ జరపాల్సిందేనన్నారు.

తమ పార్టీ తెలంగాణకు అనుకూలంగా ఉన్నంత మాత్రాన పార్టీని విభజించాల్సిన అవసరం లేదన్నారు. రాష్ట్రంలో కరవుపై తమ పార్టీ నెల రోజుల క్రితమే నివేదిక ఇచ్చినా ముఖ్యమంత్రి కిరణ్ కుమార్ రెడ్డి పట్టించుకోలేదని సిపిఎం రాష్ట్ర కార్యదర్శి రాఘవులు వేరుగా ఖమ్మంలో ప్రభుత్వంపై విరుచుకు పడ్డారు. కరవు వల్ల రైతులు వేలాది రూపాయలు నష్ట పోయారన్నారు. కేంద్ర, రాష్ట్ర ప్రభుత్వాలు రైతులకు నష్టపరిహారం చెల్లించి వారిని ఆదుకోవాలని డిమాండ్ చేశారు.

Published On October 24, 2011