పన్నెండేళ్ల అమ్మాయిపై రెండుసార్లు గ్యాంగ్ రేప్

విశాఖపట్నం: నెల రోజుల్లో రెండుసార్లు పన్నెండేళ్ల అమ్మాయిపై గ్యాంగ్ రేప్‌కు పాల్పడ్డ సంఘటన గురువారం విశాఖపట్నంలో ఆలస్యంగా వెలుగులోకి వచ్చింది. బాధిత అమ్మాయి తన తల్లితో కలిసి గురువారం విశాఖ పోలీసు కమిషనర్‌ను కలిసి న్యాయం చేయమని కోరింది. బాధితురాలికి మహిళా సంఘాలు అండగా నిలిచాయి. బాధితురాలు ఏడో తరగతి విద్యార్థిని. ఆమెకు తండ్రి లేడు. తల్లి తీవ్ర అనారోగ్యంతో బాధపడుతోంది. ఆమె ఇంటికి సమీపంలో ఉండే ముగ్గురు యువకులు మాయమాటలు చెప్పి నిర్మానుష్య ప్రదేశంలోకి తీసుకు వెళ్లి నెల రోజుల్లో రెండుసార్లు గ్యాంగ్ రేప్‌కు పాల్పడ్డారు.

ఈ విషయం బయటకు చెబితే తన తల్లిని, తనను చంపేస్తామని బెదిరించడం వల్లనే ఇన్నాళ్లూ తాను బయటకు రాలేక పోయానని బాధితురాలు అంతకుముందు చెప్పారు. మొదటిసారి కిడ్నాప్ చేసి తీసుకెళ్లి అఘాయిత్యానికి పాల్పడ్డారని ఆరోపించారు. ఘాతుకానికి ఒడిగట్టిన వారిపై గత నెల 14నే పోలీసులకు ఫిర్యాదు చేసినప్పటికీ పోలీసులు నిర్లక్ష్యం వహించారని మహిళా సంఘాల నేతలు ఆరోపిస్తున్నారు. అందుకే తాము సిపిని కలిసి న్యాయం చేయమని అడగడానికి వచ్చినట్లు చెప్పారు.

English summary

Twelve years girl forced to gang rape two times within one month. Victim complained to Vishaka cp today with her mother.