పురంధేశ్వరికి విశాఖపట్నంలో సమైక్యాంధ్ర సెగ

విశాఖపట్నం: కేంద్ర మానవ వనరుల అభివృద్ధి శాఖ మంత్రి దగ్గుబాటి పురంధేశ్వరికి విశాఖపట్నంలో శుక్రవారం సమైక్యాంధ్ర సెగ తాకింది. సమైక్యాంధ్ర ఆందోళనకారులు విశాఖపట్నంలోని ఆమె ఇంటిని ముట్టడించారు. సమైక్యాంధ్ర కోసం రాజీనామా చేయాలని వారు పురంధేశ్వరిని డిమాండ్ చేశారు. సమైక్యాంధ్రకు పూర్తి మద్దతు ఇవ్వాలని పట్టుబట్టారు. ఈ సందర్భంగా ఆమె మాట్లాడారు. తెలంగాణ సమస్యను కేంద్ర ప్రభుత్వం త్వరలో పరిష్కరిస్తుందని ఆమె చెప్పారు.

తెలంగాణపై తమ అభిప్రాయాన్ని కాంగ్రెసు అధిష్టానం పెద్దలకు చెప్పామని ఆమె అన్నారు. తెలంగాణ సమస్య కొనసాగుతుండడం వల్ల అభివృద్ధి కుంటుపడుతోందని, త్వరగా పరిష్కరించాలని తాను పార్టీ అధిష్టానాన్ని కోరానని ఆమె వివరించారు. సమస్య పరిష్కారానికి పార్టీ అధిష్టానం కృషి చేస్తోందని, త్వరలోనే పరిష్కారం లభిస్తుందని ఆమె అన్నారు.

English summary

Union HRD minister D Purandheswari saw United Andhra heat at Vishakhapatnam.