గాలిలో చక్కర్లు, విమానంలో ఉండవల్లి, మంత్రులు

రాజమండ్రి: తూర్పు గోదావరి జిల్లా రాజమండ్రిలో కింగ్ ఫిషర్ విమానం గురువారం అరగంటకు పైగా టెన్షన్ పుట్టించింది. ల్యాండింగ్ సమస్యతో కింగ్ ఫిషర్ విమానం గాలి చక్కర్లు కొట్టింది. ఈ విమానంలో పార్లమెంటు సభ్యుడు ఉండవల్లి అరుణ్ కుమార్, మంత్రులు పొన్నాల లక్ష్మయ్య, పితాని సత్యనారాయణ కూడా ఉన్నారు. మొత్తం 61 మంది ప్రయాణిలు ఇందులో ఉన్నారు. వాతావరణం అనుకూలించకపోవడంతో విమానాశ్రయంలో అది దిగలేకపోయింది.

రన్‌వే కనిపించకపోవడంతో పైలట్ విమానాన్ని దించలేకపోయాడు. ఆ తర్వాత వచ్చిన స్పైస్ జెట్ విమానానికి కూడా ఇదే పరిస్థితి ఏర్పడింది. కొద్దిసేపటి తర్వాత సమస్య పరిష్కారం కావడంతో విమానం సురక్షితంగా దిగింది. ప్రయాణికులు ఊపిరి పీల్చుకున్నారు. గాలి చక్కర్లు కొడుతున్నంత సేపు ప్రయాణికుల్లో తీవ్ర ఉత్కంఠ నెలకొని ఉంది.

English summary

The Kingfisher flight carrying MP Undavalli Arun Kumar and Two ministers faced landing problem at Rajahmundry.