అమెరికా శ్వేతసౌధం వద్ద కాల్పులు, దుండగుడి పరారీ

వాషింగ్టన్: అమెరికాలోని శ్వేతసౌధం వద్ద శనివారం ఉదయం కాల్పులు జరిగాయి. సంఘటనా స్థలంలో ఎకె 47 రైఫిల్‌ను, వాహనాన్ని స్వాధీనం చేసుకున్నట్లు అమెరికా సీక్రెట్ సర్వీస్ తెలిపింది. దుండగులు పారిపోయినట్లు చెబుతున్నారు. స్థానిక కాలమానం ప్రకారం గత రాత్రి గ.9.40 నిమిషాల సమయంలో ఈ కాల్పులు జరిగాయి. భారత కాలమానం ప్రకారం శనివారం ఉదయం గ.8.10 నిమిషాలకు ఈ కాల్పులు జరిగాయి. గుర్తు తెలియని వ్యక్తి రూజ్‌వెల్ట్ వంతెన మీద పరిగెట్టినట్లు భావిస్తున్నారు.

అమెరికా అధ్యక్షుడు బరాక్ ఒబామా ఆ సమయంలో కాలిఫోర్నియాలో ఉన్నారు. ఆ కాల్పులు శ్వేతసౌధాన్ని గురిపెట్టి జరిగాయని చెప్పడానికి ఆధారాలు లెవని అధికారులు అంటున్నారు. 16వ స్ట్రీట్, కానిస్టిట్యూషన్ ఎవెన్యూ వద్ద బాధ్యతలు నిర్వహిస్తున్న అధికారులు కాల్పుల శబ్దం విన్నట్లు చెప్పారని సీక్రెట్ సర్వీస్ అంటోంది. పశ్చిమ దిశగా రెండు వాహనాలు వెళ్లినట్లు కూడా వారు గుర్తించారు. సంఘటనలో ఎవరూ గాయపడలేదని చెబుతున్నారు.

English summary

Gunshots were fired on Saturday near the White House following which the US Secret Service recovered an AK-47 from an abandoned vehicle, but the suspect remained at large.