రేపే న్యూజిలాండ్ తో సిరీస్ డిసైడర్: టీమిండియాలో మార్పులు
భారత్, న్యూజిలాండ్ జట్ల మధ్య జరుగుతున్న ఐదు మ్యాచ్‌ల వన్డే సిరీస్ ఆఖరి ఘట్టానికి చేరుకుంది. ఆదివారం మౌంట్ మాంగనుయ్‌ బే ఓవల్ లో అయిదో వన్డే రెండు జట్లకు అత్యంత కీలకంగా మారింది. ప్రస్తుతం ఈ సిరీస్‌లో భారత జట్టు 2-1 ఆధిక్యంలో ఉంది. ఈ మ్యాచ్‌లో న్యూజిలాండ్ గెలిస్తే.. సిరీస్ డ్రా అవుతుంది. మూడో వన్డే వర్షం వల్ల రద్దు కాగా.. నాలుగో మ్యాచ్ లో న్యూజిలాండ్ ఘన విజయం సాధించింది. వరుసగా రెండో విజయం సాధించి సిరీస్‌ను సమం చేయాలనే పట్టుదలతో ఉందా జట్టు.
నాలుగో వన్డేలో భారత జట్టు అనూహ్యంగా 244 పరుగుల తేడాతో భారీ పరాజయాన్ని మూటగట్టుకుంది. న్యూజిలాండ్ నిర్దేశించిన 233 పరుగులను అందుకునే క్రమంలో 89 పరుగులకే ఆలౌట్ అయింది. వన్డే చరిత్రలో పరుగుల పరంగా భారత్‌కు ఇది రెండో అతిపెద్ద ఓటమి. ఈ ఘోర పరాజయం నుంచి త్వరగా కోలుకుని, సిరీస్ నిర్ణయాత్మక పోరులో తిరిగి పుంజుకోవడం శ్రేయస్ అయ్యర్ నాయకత్వంలోని భారత జట్టుకు సవాలుగా మారింది.
ఆదివారం నాటి మ్యాచ్ కు ముందు న్యూజిలాండ్ జట్టులో మార్పులు చోటుచేసుకున్నాయి. నాలుగో వన్డేలో 27 పరుగులకే 6 వికెట్లు తీసి భారత టాప్ ఆర్డర్‌ను దెబ్బతీసిన స్టార్ ఫాస్ట్ బౌలర్ మ్యాట్ హెన్రీ, కైల్ జెమీసన్ ఈ మ్యాచ్‌కు అందుబాటులో ఉండట్లేదు. వీరిద్దరూ రాబోయే టెస్టు సిరీస్ ఆడాల్సి ఉన్నందున ఈ మ్యాచ్ నుంచి తప్పుకొన్నారు. కీలక బౌలర్లు దూరం కావడంతో కివీస్ పేస్ విభాగానికి జేకబ్ డఫీ నాయకత్వం వహించనున్నాడు. మొదటి రెండు మ్యాచ్‌లలో అతను ఆరు వికెట్లతో రాణించాడు.
ఈ మ్యాచ్ కోసం ఆల్‌రౌండర్ జోష్ క్లార్క్‌సన్, బ్లెయిర్ టిక్నర్ జట్టుకు అందుబాటులో ఉన్నారు. ఈ సిరీస్ లో ఒక్క మ్యాచ్ కూడా ఆడని సీమర్ బ్రెట్ రాండెల్‌కు కూడా తుదిజట్టులో చోటు దక్కే అవకాశాలు లేకపోలేదు. టీమిండియాలో కూడా మార్పులు చోటు చేసుకోనున్నాయి. ఫాస్ట్ బౌలర్ గుర్నూర్ బ్రార్ ను టెస్ట్ జట్టులోకి తీసుకోవడంతో అతను అందుబాటులో ఉండట్లేదు. అతని స్థానంలో మహ్మద్ సిరాజ్ ఆడే అవకాశం ఉంది. శుభ్‌మన్ గిల్, కెఎల్ రాహుల్ అందుబాటులో లేకపోవడంతో కెప్టెన్ శ్రేయస్ అయ్యర్ కేప్టెన్ గా వ్యవహరించనున్నాడు.
భారత్ తుది జట్టులో.. రోహిత్ శర్మ, రుతురాజ్ గైక్వాడ్, విరాట్ కోహ్లీ, శ్రేయస్ అయ్యర్ (కెప్టెన్), ఇషాన్ కిషన్ (వికెట్ కీపర్), అక్షర్ పటేల్, నమన్ ధీర్, ఆకిబ్ నబీ, కుల్ దీప్ యాదవ్, మహమ్మద్ సిరాజ్, అర్ష్‌దీప్ సింగ్ ఆడే అవకాశం ఉంది.
న్యూజిలాండ్ తుదిజట్టులో.. టిమ్ సీఫెర్ట్ (వికెట్ కీపర్), విల్ యంగ్, నిక్ కెల్లీ, డీన్ ఫోక్స్‌క్రాఫ్ట్ / జోష్ క్లార్క్‌సన్, ఫిన్ అలెన్, మైఖేల్ బ్రేస్‌వెల్, మిచెల్ శాంట్నర్ (కెప్టెన్), క్రిస్టియన్ క్లార్క్, మ్యాట్ ఫిషర్, జేకబ్ డఫీ, బ్లెయిర్ టిక్నర్ / బ్రెట్ రాండెల్ కు చోటు దక్కొచ్చు.
Click it and Unblock the Notifications
Sign in with Google
