స్విచ్ వేస్తే బల్బు వెలిగేంత ఈజీకాదు: తెలంగాణపై కెకె

By Srinivas

Published: Friday, November 18, 2011, 16:13 [IST]

హైదరాబాద్: ప్రత్యేక తెలంగాణ రాష్ట్రమంటే స్విచ్ వేస్తే బల్బు వెలిగేంత ఈజీ కాదని కాంగ్రెసు పార్టీ సీనియర్ నేత, రాజ్యసభ సభ్యుడు కె కేశవ రావు శుక్రవారం అన్నారు. ప్రజా సంఘాల ఐక్య కార్యాచరణ సమితి ఆధ్వర్యంలో జరిగిన భేటీకి ఆయన హాజరయ్యారు. ఈ సందర్భంగా ఆయన మాట్లాడుతూ తెలంగాణ కోసం తాము చిత్తశుద్ధితో పోరాడుతున్నామన్నారు. తెలంగాణ రాకుంటే తాము ప్రజల్లోకి వెళతామని చెప్పారు.

పార్లమెంటు సమావేశాలకు ముందే తెలంగాణపై ప్రకటన వస్తుందని ఆయన ఆశాభావం వ్యక్తం చేశారు. పార్లమెంటు సభ్యులలో విభేదాలు తెచ్చేందుకు కొందరు ప్రయత్నాలు చేస్తున్నారన్నారు. కాగా ఈ సమావేశానికి కెకెతో పాటు టిఆర్ఎస్ నేత నాయిని నర్సింహా రెడ్డి, నాగం వర్గం ఎమ్మెల్యే హరీశ్వర్ రెడ్డి, ఉస్మానియా జెఏసి హాజరయ్యారు.

Published On November 18, 2011