తెలంగాణ కోసం చచ్చిపోతా, జగన్ వస్తాడు: శంకరరావు

By Srinivas

Published: Friday, November 25, 2011, 8:51 [IST]

హైదరాబాద్: ప్రత్యేక తెలంగాణ సాధన కోసం తాను అవసరమైతే ప్రాణత్యాగం చేసుకుంటానని చేనేత, జౌళీ శాఖ మంత్రి శంకరరావు గురువారం అన్నారు. తెలంగాణ కోసం తాను మానవ బాంబును అయినా ఎవరికీ హానీ కలిగించనని చెప్పారు. ఏఐసిసి అధ్యక్షురాలు సోనియా గాంధీ పుట్టిన రోజు లోగా తెలంగాణపై సానుకూల నిర్ణయం వస్తుందని ఆయన ఆశాభావం వ్యక్తం చేశారు. ఈ మేరకు తనకు ఏఐసిసి వర్గాల నుండి సమాచారం ఉందని చెప్పారు.

వైయస్సార్ కాంగ్రెసు పార్టీ అధ్యక్షుడు, కడప ఎంపీ వైయస్ జగన్మోహన్ రెడ్డి తిరిగి కాంగ్రెసులోకి రావడం ఖాయమన్నారు. అవినీతి ఆరోపణలు ఎవరి పైన ఉన్నా విచారించాల్సిందేనని మంత్రులైనా వదిలేయకూడదన్నారు. పార్టీలోకి వచ్చే వారిపై నిర్ణయించడానికి తాను ప్రదేశ్ కాంగ్రెసు కమిటీ అధ్యక్షుడిని కాదన్నారు. చేనేత, జౌళీ శాఖలో ఖాళీగా ఉన్న పోస్టుల భర్తీకి చర్యలు తీసుకోవాలని ముఖ్యమంత్రిని కోరతానని చెప్పారు.

Published On November 25, 2011