తెలంగాణపై జరగాల్సింది జరుగుతోంది: పొంగులేటి

By Srinivas

Published: Friday, November 25, 2011, 16:07 [IST]

హైదరాబాద్: తెలంగాణపై కేంద్రంలో జరగాల్సింది జరుగుతోందని కాంగ్రెసు పార్టీ సీనియర్ నేత పొంగులేటి సుధాకర్ రెడ్డి శుక్రవారం హైదరాబాదులో అన్నారు. తెలంగాణ గురించి రోజూ మాట్లాడాల్సిన అవసరం లేదన్నారు. అసెంబ్లీలో తెలంగాణపై తీర్మానం కేంద్రం కోరితేనే జరుగుతుందన్నారు. ముఖ్యమంత్రి కిరణ్ కుమార్ రెడ్డి పాలన భేషుగ్గా ఉందన్నారు. తెలంగాణ ప్రాంత కాంగ్రెసు పార్లమెంటు సభ్యులు పార్లమెంటు సమావేశాలు అడ్డుకున్నది చాలని, ఇప్పటికైనా వారు సభ సజావుగా సాగేందుకు సహకరించాలన్నారు.

తెలుగుదేశం పార్టీ అధినేత నారా చంద్రబాబు నాయుడుకు శృంగభంగం తప్పదన్నారు. టిడిపి నేతలు పిచ్చికుక్కల్లా మాట్లాడుతున్నారని ధ్వజమెత్తారు. వచ్చే సాధారణ ఎన్నికల్లో తెలుగుదేశం పార్టీకి సింగిల్ డిపాజిట్ కూడా దక్కదన్నారు. 2014లో మళ్లీ కాంగ్రెసు పార్టీయే అధికారంలోకి వస్తుందన్నారు.

Published On November 25, 2011