కుటుంబానికి కష్ట సమయం: పవార్‌ కూతురు సుప్రియ

By Pratap

Published: Friday, November 25, 2011, 17:10 [IST]

న్యూఢిల్లీ: తమ కుటుంబం కష్ట సమయాన్ని చవి చూసిందని హర్వీందర్ సింగ్ అనే వ్యక్తి దాడికి గురైన కేంద్ర మంత్రి శరద్ పవార్ కూతురు, పార్లమెంటు సభ్యురాలు సుప్రియ సూలే అన్నారు. కష్ట కాలంలో తమకు అండగా నిలిచిన అన్ని రాజకీయ పార్టీలకు తాను కృతజ్ఞతలు చెబుతున్నానని ఆమె శుక్రవారం అన్నారు. తమకు అండగా నిలిచిన వారందరికీ తమ కుటుంబం తరఫున, ఎన్సీపీ కార్యకర్తల తరఫున కృతజ్ఞతలు చెబుతున్నట్లు ఆమె తెలిపారు.

ఓ కార్యక్రమంలో పాల్గొని తిరిగి వెళ్తుండగా 71 ఏళ్ల శరద్ పవార్‌పై హర్వీందర్ సింగ్ అనే వ్యక్తి దాడి చేసిన విషయం తెలిసిందే. ఈ నెలలోనే టెలికం మాజీ మంత్రి సుఖ్‌రామ్‌పై కూడా హర్వీందర్ సింగ్ ఢిల్లీ కోర్టులో దాడి చేశాడు. శరద్ పవార్‌పై దాడిని శుక్రవారం పార్లమెంటులో అన్ని పార్టీల సభ్యులు ఖండించారు. కోర్టు జ్యుడిషియల్ రిమాండ్ విధించడంతో హర్వీందర్ సింగ్‌ను తీహార్ జైలుకు తరలించారు.

Published On November 25, 2011