మహారాష్ట్రలో ఘోర రోడ్డు ప్రమాదం, 15 మంది మృతి

ముంబై: మహారాష్ట్రంలో సోమవారం ఉదయం ఘోర రోడ్డు ప్రమాదం చోటు చేసుకుంది. బుల్దానా జిల్లాలో నాగపూర్ - ఔరంగాబాద్ జాతీయ రహదారిపై మెహ్కర్ వద్ద రెండు లగ్జరీ బస్సులు ఒకదానికొకటి ఢీకొనడంతో సుమారు 15 మంది మృతి చెందారు. మరో 57 మందికి తీవ్ర గాయాలయ్యాయి. అందులో కొందరి పరిస్థితి విషమంగా ఉన్నట్లుగా తెలుస్తోంది. ప్రమాదం ధాటికి రెండు బస్సులు పూర్తిగా దగ్ధమయ్యాయి.

ప్రమాదంలో గాయపడ్డ వారిని దగ్గరలోని ఆసుపత్రికి తరలించారు. రెండు బస్సులు ఒకదానికొకటి ఢీకొనడంతో ఒక్కసారిగా మంటలు చెలరేగాయి. దీంతో రెండు బస్సులు దగ్ధమయ్యాయి. ఈ ప్రమాదం సోమవారం ఉదయం 3.30 నిమిషాలకు చోటు చేసుకుంది. ఈ రెండు బస్సులు రాయల్ ట్రావెల్స్, సోని ట్రావెల్స్‌కు చెందినవిగా గుర్తించారు. ఇందులో ఓ బస్సు నాగపూర్ నుండి పూణే వెళుతుండగా మరో బస్సు నాగపూర్ వెళుతోంది. ప్రమాదం జరిగిన వెంటనే స్థానికులు స్పందించారు.

English summary

Bus accident in Maharashtra leaves 15 people dead, 15 people burnt alive after two buses collide head on accident happened on Nagpur-Aurangabad highway.